Wednesday , July 24 2024
Bulabugin ni Jerry Yap
Bulabugin ni Jerry Yap

P140-K bill sa Covid-19 case, Philhealth ayaw tanggapin ng Metropolitan Hospital?

BULABUGIN
ni Jerry Yap

LABIS na nagtataka ang mga kaanak ng isang CoVid-19 patient sa Metropolitan Hospital kung bakit ayaw kilalanin ng nasabing ospital ang pagiging member ng pasyente sa Philippine Health Insurance Corporation (PhilHealth), na umabot sa P140,000 ang hospital bill.

Hanggang ngayon nagtatanong sila, ano ang dahilan bakit ayaw ng ospital na kilalanin ang PhilHealth ng pasyente?!

Hindi ba nagbabayad ang PhilHealth sa Metropolitan Hospital, kaya tinatanggihan nila ito?!

O dahil naideklara nilang may CoVid-19 ang pasyente pero P140,000 lamang ang tinakbo ng bill at hindi nila makukuha ang P700,000 inilalaan ng PhilHealth sa bawat CoVid-19 patient?

Marami tuloy ang lumalabas na espekulasyon sa ginawa ng Metropolitan Hospital.

Sana’y maipaliwanag ito ng pamunuan ng ospital kung bakit ayaw nilang tanggapin ang PhilHealth ng pasyente gayong malaking tulong ito sa isang taong sinalanta ng pandemya.

Magpaliwanag kayo!   


AANHIN PA’NG ‘DAMO’
‘este ANG RA 11590
KUNG SUMIBAT NA
ANG MGA POGO?

MAY silbi pa ba ang Republic Act 11590 (An Act Taxing POGOs) na nilagdaan ni Pangulong Rodrigo Duterte sa panahong ito na halos karamihan ng Philippine offshore gaming operators ay sumibat na sa bansa?!

Hindi ba’t mismong sa ulat ng Commission on Audit (COA) nabatid na P1.3 bilyones ang ‘pinakawalang buwis’ ng Philippine Amusement and Gaming Corporation (PAGCOR) dahil hindi nito nahabol ‘yung 15 POGOs?!

‘Yung utang ng 15 POGOs ay tatlong taon nang overdue pero parang tinulugan lang daw ng PAGCOR.

Sa panahong ito, maraming POGO ang umalis na sa bansa, at ang tanging namamayagpag na lang ngayon ay ang POGO king na si Kim Wong.

E para saan pa ang POGO law na pinirmahan ni Pangulong Duterte?!

Kumbaga osla na ang POGO, at may bagong online gaming nang naiimbento ang IT experts na may ibang scheme kaya baka ‘paso’ na ang  batas na ‘yan.

Too late the hero, Mr. President.

Aanhin pa ang damo kung sumibat na ang kabayo?!

In short, tuluyan nang natakasan ng P1.3 bilyong buwis  ang Rumba Queen ng PAGCOR.

Tsk tsk tsk…

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sipat Mat Vicencio

Pacquiao at Lapid ‘basurang’ kandidato ni Bongbong

SIPATni Mat Vicencio DAPAT pag-isipang mabuti ni Pangulong Ferdinand “Bongbong” Marcos, Jr., kung nararapat bang …

Dragon Lady Amor Virata

Mag-asawa for mayor sa 2025 local elections

Isumbong mokay DRAGON LADYni Amor Virata SABI ni Parañaque City Cong. Edwin Olivarez, ang utol …

FIRING LINE ni Robert B. Roque, Jr.

Paghihintay sa SONA

FIRING LINEni Robert B. Roque, Jr. INAASAHANG nakatutok ang mata ng lahat sa Presidente sa …

Dragon Lady Amor Virata

Daming fake news sa socmed mga apektado kawawa naman

Isumbong mokay DRAGON LADYni Amor Virata SIYENTO PORSIYENTONG lumilitaw na ang social media ay ‘marites’ …

Sipat Mat Vicencio

Manalo kaya si Digong sa 2025 elections?

SIPATni Mat Vicencio NAGKAKAMALI ang marami kung inaakalang tuluyang makalulusot si dating Pangulong Rodrigo “Digong” …

Leave a Reply

Your email address will not be published. Required fields are marked *