Friday , October 22 2021
Bulabugin ni Jerry Yap
Bulabugin ni Jerry Yap

Cayetano bet ng mga pastor na tumakbong presidente

BULABUGIN
ni Jerry Yap

HABANG papalapit ang filing ng certificate of candidacy (COC) ng mga kakandidato sa nasyonal at lokal na posisyon para sa halalan 2022, hindi na rin tumigil ang bangayan at patutsadahan ng mga kakandidato lalo sa panguluhan.

        Tanging sa Filipinas na tuwing eleksiyon imbes mabubuting gawa ang itampok ng bawat politiko, mas inaasinta nilang halukayin ang baho ng kanilang kalaban o karibal.

Kaya hindi natin masisisi ang ating mga kababayan na maghanap ng alternatibong mamumuno sa ating bansa. Ang nangyayari kasi ngayon imbes magplano at pag-isipan ang kapakanan ng taongbayan, kaliwa’t kanan ang mga black propaganda na nagsasalimbayan laban sa bawat kampo ng mga kandidato.

Kaya naman umaksiyon na ang daan-daang pastor at kanilang mga simbahan para mag-endoso ng kandidato bilang pangulo ng bansa.

Hindi kukulangin sa 600 pastor at religious leaders kasama ang may 1,564 miyembro nila mula sa 562 simbahan  sa buong bansa ang lumiham kay dating Speaker Alan Peter Cayetano upang hikayatin na tumakbo sa presidential election.

Ayon na rin sa mga pastor, inaasahang darami pa ang mga pastor na lalagda sa naturang sulat dahil patuloy nila itong pinaiikot upang kumalap ng suporta mula sa iba’t ibang  bahagi ng bansa.

Ayon sa mga pastor, si Cayetano ang nakikitaan nila ng kakayahan na akayin ang taongbayan sa pananampalataya. Kailangan anila ng isang lider na magbibigay ng liwanag at pag-asa sa gitna ng dilim lalo na ngayong panahon ng pandemya.

        Inihalimbawa ng mga pastor ang patuloy na pamimigay ni Cayetano ng P10K ayuda upang maiahon sa kanilang sitwasyon ang ating ga kababayang iginupo ng pandemya. Dagdag pa rito ang inilunsad ni Cayetano na tulong-puhunan sa mga sari-sari stores na naapektohan din ng pandemya.

Hindi naman kasi tumigil ang dating speaker sa kanyang pagtulong kahit sa kasagsagan ng ECQ at iba pang restrictions.

        Swak na swak ang suportang ito ng mga pastor at iba’t ibang simbahan dahil kamakailan lang ay sinabi ni Cayetano na nais niyang magpatupad ng faith based at Bible centered na pamunuan.

Seryoso niyang ikinikonsidera ang pagtakbo bilang pangulo kasabay ng ginagawa niyang konsultasyon sa kanyang pamilya at mga tagasuporta sa buong bansa. Lalo na ngayong laganap ang bisyo, sugal, krimen at korupsiyon.

Iginiit ng mga pastor sa kanilang  sulat kay Cayetano, higit pa sa husay at talino, kailangan natin ng isang lider na may puso at malasakit sa kapwa at handang harapin ang mga pagsubok ng may pang-unawa at pagmamahal.

Kaya naniniwala ang mga pastor na si Cayetano ang hinahanap na lider ngayon ng bansa.

Tiniyak din ng mga pastor at religious leader ang kanilang suporta sa mga adbokasiya ni Cayetano na patuloy na tulungan ang ating mga kababayan.

Sa kasalukuyan, mahigit 10,000 na ang naabutan ng tulong ni Cayetano at ng kanyang mga kaalyadong kongresista ng 10K ayuda samantala mahigit 2,000 sari-sari store na rin mula sa iba’t ibang panig ng bansa ang kanilang naabutan ng dagdag na puhunan.

Kaya malaking hamon ito sa ating mga kababayan lalo sa mga botante dahil ngayong panahon ng pandemya, marahil ay kailangang ikonsidera na faith-based naman ang pundasyon ng pamunuan sa bansa.


DESERVING BA SI DANA
KRIZIA SANDOVAL
SA SIO PROMOTION?

TALK of the town sa buong main office ng Bureau of Immigration (BI) sa Intramuros hanggang sa mga airport ang promotion nitong si Office of the Commissioner spokesperson Dana Sandoval, a.k.a. Ms. Dada, bilang Senior Immigration Officer (SIO).

Ayon sa isang beteranong IO, halos mabali nga raw ang kanilang leeg sa kaiiling nang malamang na-promote si ‘Ma’m Dana’ bilang Senior Immigration Officer (SIO).

        Wow ha!

Hindi naman daw sa minamaliit nila ang kanyang qualifications pero kung ikokompara sa ibang aplikante, wala raw ‘binesa’ ang serbisyo ni ‘Ms. Dada’ sa bureau.

Experience wise, ang ibang aplikante kompara kay Ms. Dana ay nai-assign sa iba’t ibang divisions, airports, at ‘yung iba nga ay naging hepe sa iba’t ibang opisina.

E si Ms. Dana umano ay diyan lamang na-assign nang matagal sa kansorsilyo ‘este sa Office of the Commissioner, sa ilalim ni Commissioner Jaime Morente.

At ang naging trabaho lang daw ay spokesperson na mahilig magpa-cute sa mga media interview?!

Awts! Ang harsh naman.

Maraming empleyado ang na-shock at hindi makapaniwala na sa dinami-rami ng mga deserving & qualified ay tinalo lang sila ni Dana?!

Sabi pa ng isang Intel officer, pakapalan na lang daw ng mukha ‘yan. Ang importante ay nakuha niya ang gusto n’ya! E ‘di ikaw na!

Hindi kaya nabibingi ang OCOM at ang DOJ sa tanong na, “ano raw ba ang ‘agimat’ na ginamit ni Ms. Dada kina kay Comm. Morente at SOJ Guevarra?”

Pakisagot na nga po A/C Toby Javier!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Bulabugin ni Jerry Yap

Presyo ng langis sumirit energy secretary Al Cusi, anyare?

BULABUGINni Jerry Yap HINDI lang pala kalihim ng enerhiya at political party executive si Secretary …

Balaraw ni Ba Ipe

Dalawang kriminal

BALARAWni Ba Ipe HAYAAN na magbalik tanaw sa kasaysayan. Hayaan na talakayin ang kuwento ng …

Usaping Bayan ni Rev. Fr. Nelson Flores, MSCK, JD

Idalangin natin ang kaharian ng Diyos dito sa lupa

USAPING BAYANni Rev. Fr. Nelson Flores, MSCK, JD. NAKALULUNGKOT na ang ating lipunang ginagalawan ay …

Bulabugin ni Jerry Yap

SENATORIAL SLATE NG BAWAT PARTIDO ‘NAMUMUTIKTIK’ NA POLITICAL BUTTERFLY

BULABUGINni Jerry Yap MUKHANG walang buong line-up ang bawat partido politikal na sasabak sa eleksiyon …

FIRING LINE ni Robert B. Roque, Jr.

Balik-negosyo na

FIRING LINEni Robert B. Roque, Jr. NAKAMIT na sa wakas ng sektor ng negosyo ang …

Leave a Reply