Friday , March 29 2024
gun QC

Bday party niratrat teenager todas

PATAY ang 16-anyos binatilyo na dumalo sa kaarawan ng anak-anakan ng kaibigan makaraang pasukin ng gunman at paulanan ng bala ng baril ang kanilang masayang inuman sa loob ng tahanan sa Barangay Batasan Hills, Quezon City, nitong Lunes ng madaling araw. 

Ang biktimang namatay ay kinilalang si Mico Gracia Balosa, 16, estudyante, residente sa Brgy. Batasan Hills, QC, habang sugatan ang kaibigang si John Paul De Juan, 19, binata, construction worker, at naninirahan sa Bayanihan St., Sitio 3, Brgy. Batasan Hills, Quezon City

Sa report ng Criminal Investigation and Detection Unit ng Quezon City Police District (CIDU-QCPD), dakong 12:40 am nitong Lunes, 20 Setyembre, nang maganap ang insidente sa loob ng tahanan ng biktimang si De Juan.

Batay sa imbestigasyon ni P/Cpl. Nido Gevero, Jr., ng CIDU, dumalo ang biktima, kasama si Raymond Villarey sa birthday ng anak-anakan ni De Juan sa tahanan nito.

Habang nag-iinuman sina Balosa, De Juan, at kasamang si Villarey, bigla na lamang pumasok sa tahanan ang isa sa suspek at pinagbabaril ang nag-iinumang mga biktima.

Agad nakapagtago si Villarey kaya hindi tinamaan nang ratratin sila ng suspek.

Nang duguang bumagsak ang mga biktima, mabilis na tumakas ang suspek at sumakay sa nakaabang na  motorsiklo sakay ang kasamahan na nagsilbing lookout.

Agad isinugod ang mga biktima sa East Avenue Medical Center pero idineklarang dead on arrival si Balosa dakong 1:30 am, ni Dr. Rae Patrick Talampas, habang si De Juan ay inoobserbahan pa sa ospital.

Masusing nagsasagawa ng imbestigasyon ang mga awtotidad sa motibo ng pamamaril upang makilala ang mga suspek. (ALMAR DANGUILAN)

About Almar Danguilan

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *