Friday , March 29 2024
Antonio Trillanes, COVID-19 Vaccine

Kickback sa Sinovac imbestigahan

NANAWAGAN si dating Sen. Antonio Trillanes IV sa Senado na imbestigahan din ang mga kontratang pina­sok ng administrasyong Duterte sa pagbili ng bakuna.

Kombinsido si Trillanes na hindi la­mang sa pagbili ng medical supplies kumi­ta nang malaki ang ilang opisyal ng pama­halaan kundi nagkaroon din ng kickback sa bakuna.

Kapag inilarga aniya ang imbesti­ga­syon sa pagbili ng bakuna ay makikita na walang puso si Pangu­long Duterte at hindi nag-aatubiling pagka­kitaan ang pandemya.

“Hindi pa nila naimbestigahan itong sa vaccine. Kung magkano ang kuha nila riyan. Malaki ang ipinatong nitong Duterte admin dito sa mga kinuhang vaccine sa China, itong Sinovac. Kaya sana ay makalkal din nila iyan, kasi dito makikita kung gaano kawalang puso sina Duterte. Grabe itong pandemya na ito pero sila hindi maghe-hesitate na pagkakitaan ito,” sabi ni Trillanes sa panayam sa DZMM Tekeradyo kaha­pon.

Matatandaang ina­min ng administrasyong Duterte na may nilagdaan itong non-disclosure agreement sa mga kompanya ng bakuna.

Hinimok ni Trillanes ang publiko na magalit sa nalalantad na korupsiyon sa administrasyon Duter­te upang matuldukan na ang nakawan sa gobyer­no.

“Sana’y magalit naman ang mga Filipi­no, kasi kapag hindi kayo magagalit, iisahan at iisahan kayo, nana­kawan at nanakawan kayo nitong mga ito,” ani Trillanes.

Bagama’t huli na aniya ang pagkontra ng ilang senador sa kati­wa­lian sa adminis­tra­syong Duterte, ipinag­pasalamat na rin ito ng dating senador.

Sa pinakahuling pagdinig ng Senate Blue Ribbon Committee sa kuwestiyonableng P8.7 bilyong medical supplies contract ng Pharmally Pharmaceutical Corporation, nabunyag na namili ng luxury vehicles ang mga opisyal ng kompanya matapos bayaran ng gobyerno.

Isiniwalat din na kahit hindi pa nabibig­yan ng presyo, walang notice of award, walang request for quotation at purchase order ay nag-deliver ang Pharmally ng dalawang milyong pirasong face masks sa Procurement Service-Department of Budget and Management.

Tinawag na pipitsuging politiko o cheap politician ni Sen. Dick Gordon si Pangu­long Duterte dahil sa pagtatanggol sa mga opisyal ng PS-DBM at sa kontrata ng Pharmally at maging sa dati niyang economic adviser na si Michael Yang na financier ng kompanya.

Ipagpapatuloy bu­kas ng Senado ang pagsisiyasat sa isyu.

(ROSE NOVENARIO)

About Rose Novenario

Check Also

Seguridad sa mga simbahan para sa bisita iglesa tiniyak ni MPD chief

Seguridad sa mga simbahan para sa bisita iglesa tiniyak ni MPD chief!

PERSONAL na naglibot sa ibat-ibang Simbahan si MPD Director PBGen Arnold Thomas Ibay at ininspeksyon …

PICPA Foundation spearheads Green Project

PICPA Foundation spearheads Green Project

VISITORS will soon be seeing a greener Philippine Institute of Certified Public Accountants (PICPA) national …

SM Cares 1 Manila - Parade Shot

SM shows solidarity for Down syndrome community through this year’s Happy Walk

SM Cares, a long time-supporter of the Down Syndrome community, is celebrating 20 years of …

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Leave a Reply

Your email address will not be published. Required fields are marked *