Wednesday , July 17 2024
Dead Thief

Kawatan sa Nueva Ecija todas sa enkuwentro

NAPASLANG ang isang lalaking hinihinalang magnanakaw sa isang hot pursuit operation na isinagawa ng pulisya na nauwi sa enkuwentro sa lungsod ng San Jose, lalawigan ng Nueva Ecija, nitong Biyernes ng gabi, 17 Setyembre.

Batay sa ulat ni P/Col. Rhoderick Campo, OIC provincial director ng Nueva Ecija PPO, nagkasa ang mga operatiba ng San Jose City Police Station ng pagpapatrolya para sa Oplan Sita sa Brgy. Palestina, sa lungsod ng San Jose kung saan pinahinto ang isang traysikel na Kawasaki Bajaj CT 100 para sa beripikasyon.

Imbes huminto, pinaharurot ng driver ang traysikel na nagresulta sa hot pursuit operation hanggang nauwi sa enkuwentro.

Una umanong nagpaputok ng baril ang driver na kinilalang si Jomar Sabado, ng Brgy. San Isidro, sa bayan ng Lupao, kaya napilitang gumanti ang operating troops na nagresulta sa agarang pagkamatay ng suspek.

Narekober mula kay Sabado ang isang kalibre .38 revolver na kargado ng mga bala, sling-bag, laptop, shoulder bag, at ang tricycle.

Nabatid, si Sabado ay pangunahing suspek sa insidente ng pagnanakaw sa isang guro na naganap dakong 10:00 am noong Biyernes, sa Abar 2nd Elementary School, sa nabanggit na lungsod.

Natangay ng suspek mula sa guro ang isang HP laptop na nagkakahalaga ng P26,000; Vivo cellphone na nagkakahalaga ng P15,000; shoulder bag na naglalaman ng passbook; iba’t ibang ID; at tatlong ATM at credit card.

Lumitaw din sa datos, ang suspek ay dati nang naaresto sa krimeng robbery hold-up at paglabag sa RA 9165 o Comprehensive Dangerous Drugs Act of 2002 noong Pebrero 2018 ngunit nakapag­piyansa at kasalukuyang under probation. (MICKA BAUTISTA)

About Micka Bautista

Check Also

Eng Bee Tin

Unang “National Hopia Day” celebration sa 19 Hulyo pangungunahan ng Eng Bee Tin

GAGANAPIN ang kauna-unahang selebrasyon ng “National Hopia Day” sa Filipinas sa 19 Hulyo 2024, na …

21 Mobile Primary Clinic ipinagkaloob ikinalat sa Gitna at Hilagang Luzon

21 Mobile Primary Clinic ipinagkaloob ikinalat sa Gitna at Hilagang Luzon

IPINADALA ni Pangulong Ferdinand Marcos, Jr., sa pamamagitan ni First Lady Liza Araneta-Marcos ang 21 …

Sa Bataan LOLONG TULAK, 2 GALAMAY TIKLO SA BUYBUST

Sa Bataan
LOLONG TULAK, 2 GALAMAY TIKLO SA BUYBUST

NADAKIP ang isang senior citizen na sangkot sa ilegal na droga at dalawa niyang kasabwat …

Sa Bulacan 7 SUSPEK SA DROGA, 2 KAWATAN TIMBOG

Sa Bulacan
7 SUSPEK SA DROGA, 2 KAWATAN TIMBOG

ARESTADO ang pitong indibidwal na pinaghihinalaang pawang mga sangkot sa pagtutulak ng ilegal na droga, …

shabu drug arrest

Sa crackdown ng PRO3  
4 DAYUHAN, 1 TULAK NASAKOTE SA DROGA

NASUKOL ng mga awtoridad ang limang hinihinalang tulak ng ilegal na droga na kinabibilangan ng …

Leave a Reply

Your email address will not be published. Required fields are marked *