Friday , October 29 2021

Andrew Gan, proud sa movie nila ni Jomari Angeles titled Limited Edition

ALAM MO NA!
ni Nonie Nicasio

SASABAK sa kakaibang role si Andrew Gan sa BL seryeng Limited Edition, na tampok sila ni Jomari Angeles.

Nagkuwento sa amin si Andrew ukol sa kanilang BL serye.

Aniya, “Eto na po iyong BL series tito na nabanggit ko sa inyo dati, ang role ko po rito ay si Jethro, New Yorker na pumunta ng Philippines for work. Two months lang at mami-meet niya si Mario na simple guy. Kasama po sa casts sina Jomari Angeles na ka-love team ko po, Yayo Aguila, Ruby Ruiz, Iyah Mina, Donna Cariaga, Ron Angeles, at Michelle Jhoie Ferraris.”

Ano ang dapat abangan sa seryeng ito?

Tugon ni Andrew, “Marami po tito! Iyong mga manonood po nito, sila ay kikiligin, matatawa, maiiyak, at higit sa lahat, magmamahal.”

May mga sexy and intimate scene ba siya rito? “Abangan! Ang masasabi ko lang po is marami akong ginawang first time para sa project na ito. Kasi naniniwala ako sa material.

“May mga nag-offer na rin sa akin before ng BL, pero eto po ang ibinigay sa akin ni Lord. Sa Limited Edition Niya ako inilagay.”

Dagdag niya, “Sobrang proud ako sa aming serye. Kahit na, halimbawa hindi ako iyong napasali sa cast, proud ako. Kasi, ang ganda talaga ng material. Naniniwala rin ako sa right timing, kung bakit dito ako inilagay ng Diyos.”

Ano ang masasabi niya sa co-stars niya rito, pati na ang kanilang direktor? “Lahat sila ay award-winning, lahat ay mababait, especially iyong producer namin na si Sir Jojo Bragais,” pakli i Andrew.

Ang Limited Edition ay sa direksiyon ni Jill Singson Urdaneta at prodyus nina Jojo Bragais at Michelle Jhoie Ferraris.

Mapapanood ang Limited Edition sa October 2, Saturday, sa Bragais TV sa YouTube. Ang Bragais TV ay official YouTube channel ng shoe designer at producer na si Jojo Bragais.

About Nonie Nicasio

Check Also

Blind Item, Gay Lovers, matinee idol, male star

Baguhang aktor boy toy ni Matinee Idol

ANG lakas ng tsismis na ang isa raw baguhang male star, na talaga namang pogi at sexy …

Aiko Melendez

Aiko ba-boo na sa Prima-Donnas 2

I-FLEXni Jun Nardo UM-EXIT na si Aiko Melendez sa lock in taping ng Kapuso searies na Prima Donnas 2. Walang …

Mel Sarmiento, Kris Aquino, Herbert Bautista

Bistek happy kay Kris

I-FLEXni Jun Nardo SIMPLENG, ”I’m happy for her!” ang tweet ni senatoriable Herbert Bautista at post sa …

Niana Guerrero, DJ Loonyo

DJ Loonyo wish maka-collab si Niana Guerrero

MA at PAni Rommel Placente SA guesting ni DJ Loonyo kamakailan sa show namin sa FYE Channel sa Kumu …

Sylvia Sanchez, Arjo Atayde, Art Atayde

Sylvia ‘di sang-ayon sa pagpasok ni Arjo sa politika — Pero anak ko ‘yan susuportahan ko

MA at PAni Rommel Placente AMINADO si Sylvia Sanchez na noong una ay hindi siya sang-ayon …

Leave a Reply