Friday , October 29 2021
Bulabugin ni Jerry Yap
Bulabugin ni Jerry Yap

Si Mark ‘masipag’ sa TV commercials (Para maagang makapambola)

BULABUGIN
ni Jerry Yap

NARIRINIG natin ito sa political advertisement ni Secretary Mark Villar ng Department of Public Works and Highways (DPWH).

Hindi natin maintindihan kung masipag na DPWH Secretary? Masipag mag-photo op? Masipag sumakay ng eroplano o chopper lalo kung sa mga probinsiya pupunta para ipagmalaki ang infra project o Build Build Build na parang pera niya ang ipinagpagawa?

Saan nga ba masipag si Mark Villar?!

Kung sasabihing si Mark Villar ay masipag sa mga kompanya ng kanilang pamilya, aba, normal lang  ‘yan, family business ‘yan e.

Mantakin naman ninyo ang negosyo ng mga Villar, may mall, may sinehan, may appliances center, may convenience store, coffee shops, may real estate properties mula subdivisions, condominiums, luxury resort at marami pang iba.

Ganyan kasipag, hindi lang si Mark Villar kundi ang kanilang pamilya.

Sabi nga ng tatay niyang si dating Senate President Manny Villar, sipag at tiyaga, ang kanyang puhunan  kaya naabot niya ang kanyang mga pangarap.

Wow! Made na nga ang mga Villar pero nagtataka tayo bakit kailangan pa nilang pakyawin ang puwesto sa gobyerno?

Kung made na sila, ano pa ang gusto nilang patunayan?!

May senador, may congresswoman, may department secretary, may undersecretary, may consultant, at may real estate mogul.

Bukod pa ‘yan sa mga relatives na may hawak ng local government unit (LGU) kung saan sila nakatira.

Aba, walastik nga ‘e!

Ibang klase ang mga Villar!

Kumustahin naman natin kung paano sila magtrabaho…

Paano nga ba?!

Poproteksiyonan ba nila ang mga mamamayan at ang buong bansa?!

Isang tanong lang po, bukod sa ‘nag-iisang saging na saba at nilagang itlog,’ mayroon pa ba naibigay ang mga Villar sa mga kababayan nating hikahos na noong walang pandemya pero lalo pang naging isang kahig isang tuka ngayon dahil sa pandemya?

Nagpahigop ba sila ng ‘libreng kape’ mula sa mga coffee shops nila para sa mga kababayan nating riders, commuters, at mga naglalakd dahil naghahanap ng trabaho? May suspended coffee ba ang mga coffee shops ng mga Villar para sa mga kababayan nating nagugutom??

Wala!

Mukhang hindi uso sa kanila ‘yun dahil baka mabawasan ang mga kayamanan nila.

Tsk tsk tsk…

Kaya naman pala napakasipag mag-TV ads ni Mark Villar, gusto niyang matiyak ang panalo niya sa 2022 elections.

Mga suki, gusto ba nating manalo sa eleksiyon ang mga Villar?!

Abangan! 


“RED LIST” COUNTRIES
PAPAYAGAN NANG
MAKAPASOK SA BANSA

MULING inaprobahan ni Pangulong Rodrigo Duterte ang rekomendasyon ng Inter-Agency Task Force for Management of Emerging Infectious Diseases (IATF-MEID) ang pansamantalang pagpapapasok sa mga pasaherong nanggaling sa bansang nasa “Red List” categories o territories gaya ng Azerbaijan, Guadeloupe, Guam, Israel, Kosovo, Montenegro, North Macedonia, Saint Lucia at Switzerland bago pumasok ng Filipinas.

Maging sa transiting o pagdaan ng eroplano bago ang destinasyon sa bansa ay hindi rin sila pinahihintulutan.

Kasama rin sa direktiba ang mga nagbalik na Filipino, sa government o non-government repatriation program thru special flights ay hindi rin papayagan.

Nangyari ang kautusan matapos maalarma ang bansa sa hindi pa kompirmadong dahilan.

Hanggang ngayon ay wala pang ipinahayag na dahilan ang pamahalaan upang tanggalin sa mga nasabing bansa ang travel restriction.

Mag-uumpisa ang direktiba sa 12 Setyembre at tatagal hanggang 18 Setyembre.

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Balaraw ni Ba Ipe

Relihiyon, sekta, kulto

BALARAWni Ba Ipe NOONG nasa kolehiyo kami at nasa dalubhasaan ng kursong Sociology sa isang …

Usaping Bayan ni Rev. Fr. Nelson Flores, MSCK, JD

Ang Judaismo at Kristiyanismo

USAPING BAYANni Rev. Fr. Nelson Flores, MSCK, JD. ALAM ba ninyo na ang ating Panginoong …

Bulabugin ni Jerry Yap

Stop, look and listen
MGA KANDIDATO BUSISIING MABUTI

BULABUGINni Jerry Yap DALAWANG linggo na lang at maisasapinal na kung sino-sino ang mga bubuong …

Bulabugin ni Jerry Yap

Dolomite beach no limits, dalaw sa yumao limitado?

BULABUGINni Jerry Yap CONSISTENT sa kanilang ‘inconsistencies’ ang Inter-Agency Task Force (IATF) at ang Department …

FIRING LINE ni Robert B. Roque, Jr.

‘No jab, no work, no pay’

FIRING LINEni Robert B. Roque, Jr. SA LOOB ng mahigit isang linggo, nalito tayo sa …

Leave a Reply