I-FLEX
ni Jun Nardo
UMIINGAY na ang bulong-bulungan na lilipat na sa Kapamilya Network si Lovi Poe.
Tikom dati ang bibig ni Lovi tungkol dito nang matapos na ang kontrata niya sa GMA Network.
Eh noong maging Kapuso si Lovi, nakatikim naman siya ng magagandang shows gaya ng Someone To Watch Over Me, Ang Dalawang Mrs. Real, at ang huli niyang Owe MyLove.
Wala pang sagot kaugnay nito ang GMA at management ni Lovi. Basta habang nasa GMA eh hindi rin siya pinabayaan sa magaganda at primetime projects.
Anuman ang maging desisyon niya, good luck na lang, huh!
