Ai Ai sa Amerika na maninirahan
Ai Ai de las Alas, APCA Philippines
I-FLEX
ni Jun Nardo
NAG-ENROLL si Ai Ai de las Alas sa APCA Philippines, isang pastry at culinary school kamakailan.
Nag-post pa si Ai Ai ng litrato niya kasama ang mga classmate sa APCA sa Instagram.
“Be a life long student…The more you learn, the more you earn,” caption ni Ai Ai.
Malaking tulong ang ginawang pag-aaral ni Ai Ai sa kanyang Martina’s Pastries na pinagkaabalahan ngayong pandemic.
Soon, titira na sa Amerika si Ai Ai kasama ang asawang si Gerald Sibayan na aprubado na ang petisyon. Green card holder din ang Comedy Queen kaya kailangan din niyang manirahan sa Amerika.
Tatapusin muna ni Ai Ai ang pagiging judge niya sa The Clash Season 4 bago lumipad pa-Amerika. Pero uuwi rin siya sa bansa paminsan- minsan para bisitahin ang ina.
