Wednesday , July 24 2024
Kiko Pangilinan, DTI
Kiko Pangilinan, DTI

Sen. Kiko ‘galit’ sa taas presyo ng DTI

MARIING binatikos ni Senador Francis “Kiko” Pangilinan ang desisyon ng Department of Trade and Industry (DTI) na payagan ang pagtaas ng presyo ng ilang pangunahing bilihin.

Bukod sa hindi napapanahon, tinawag ito ng Senador na dagdag-pasakit sa pamilyang Filipino na halos lugmok na sa epekto ng pandemya dahil walang hanapbuhay o makain sa araw-araw.

        “Sa halip na pagaanin ang kanilang sitwasyon, lalo pang inilugmok ng DTI sa kahirapan ang pamilyang Filipino nang aprobahan nito ang pagtaas ng presyo ng ilang bilihin,” wika ni Pangilinan.

“Hindi napapanahon ang hakbang na ito dahil maraming pamilyang Filipino ang halos wala nang makain dahil sa kawalan ng hanapbuhay o pagkakakitaan dahil sa pandemya,” dagdag ng Senador.

Ilan sa mga produktong pinayagan ng DTI na magtaas ng presyo ang sardinas (P0.50 hanggang P0.75), condensed milk (P0.50 hanggang P1.25), powdered milk (P0.50 hanggang P1.35), instant noodles (P0.25), delatang karne (P0.75 hanggang P2, at suka (P0.50).

Sinabi ni Pangilinan, sa panahon ngayon, mahalaga para sa pamilyang Filipino ang bawat sentimo na kanilang matitipid para may maidagdag sa kanilang makakain at iba pang pangangailangan sa araw-araw.

Bago rito, nanawagan si Pangilinan sa DTI na ipagpaliban muna ang dagdag-presyo sa mga pangunahing bilihin gaya ng delata, instant noodles, gatas at kape habang umiiral pa ang pandemya.

“Dapat maging sensitibo ang DTI sa kalagayan ng pamilyang Filipino na halos hindi na makahinga sa paghihigpit ng sinturon para lang maitawid ang kanilang pagkain sa araw-araw,” ani Pangilinan.  (NIÑO ACLAN)

About Niño Aclan

Check Also

Sonny Angara DepEd

Panawagan kay Angara
SUWELDO NG MGA GURO ITAAS, ‘KORUPSIYON’ SA DepEd DAPAT TUGUNAN — TINIO

NANAWAGAN si dating ACT Teachers Rep. Antonio “Tonchi” Luansing Tinio kay bagong-upong Department of Education …

FEHI, DHSUD sanib-puwersa para sa programang pabahay

FEHI, DHSUD sanib-puwersa para sa programang pabahay

NAGSANIB-PUWERSA ang kompanyang Far East Holdings Inc. (FEHI) at ang Department of Human Settlement and …

First Lady Liza Araneta-Marcos, namahagi ng mobile clinics

First Lady Liza Araneta-Marcos, namahagi ng mobile clinics

NAMAHAGI si First Lady Louise “Liza” Marcos, sa pakikipagtulungan ng Department of Health (DOH) ng …

Isko Moreno

Isko Moreno llamado sa muling pagtakbo sa Maynila

HATAWANni Ed de Leon ANO tatakbo na naman si Isko Moreno bilang mayor ng Maynila sa 2025? …

prison

300 PDLs mula Bilibid inilipat sa Iwahig Prison sa Palawan

INILIPAT ang may 300 persons deprived of liberty (PDLs) mula sa New Bilibid Prison (NBP) …

Leave a Reply

Your email address will not be published. Required fields are marked *