Sunday , November 27 2022

Michael Yang ‘pagador’ ng Pharmally — Duterte

ni ROSE NOVENARIO

HINDI na mahihirapan ang Senado na ungkatin ang papel ng dating economic adviser ni Pangulong Rodrigo Duterte sa kuwestiyonableng kontrata ng Pharmally Pharmaceuticals Corporation dahil mismong punong ehekutibo’y inamin na pagador siya ng kompanyang nakasungkit ng P8.6-bilyong overpriced medical supplies.  

Sinabi ito ng Pangulo kasunod ng pagtatanggol kung bakit niya itinalagang economic adviser si Michael Yang, at si Lloyd Christopher Lao bilang Undersecretary ng Department of Budget and Management (DBM) na naging pinuno ng Procurement Service.

Sina Yang at Lao ang itinuturing na major players sa isinasagawang Senate Blue Ribbon Committee sa ipinagkaloob na kontrata ng PS-DBM sa Pharmally, isang maliit na kompanya, pero naging pinakamalaking supplier ng medical supplies sa panahon ng CoVid-19 pandemic.

Ikinuwento ni Pangulong Duterte na si Yang, isang Davao-based trader ang tumulong sa kanyang gobyerno para maisara ang mga transaksiyon.

“Lowest bidding kaya ito. Ang nagbili lowest bid. Ano ba reklamo ninyo? Kasi si Michael Yang daw. Negosyante ito ‘adre, hindi ito na.. nagtatapon ito ng pera. May contact ito sa China na malalaking korporasyon at siya ang nag-pagador and made their entry here,” aniya sa kanyang pre-recorded Talk to the People kahapon.

“Akala ko ba, let us go to China and invite the investors here? Ayun nag-invest nga pero sa panahon ng pandemya. What’s wrong with that?”

Batay sa mga dokumento, ang Pharamlly ay isang maliit na kompanya sa Taguig City na nabuo noong Setyembre 2019 at may kapital lamang na P625,000.

Imbes paimbestigahan, kinampihan ni Duterte si Lao sa paggawad ng kontrata sa Pharmally bilang pinuno ng PS-DBM.

“Anong masama kung magbayad ako ng utang? Nagtanong kayo saan galing itong tao… Ito fraternity brothers ko. Pero kung sabihin may nakuha o nakita kayo na mali, ipakulong ninyo,” sabi ng Pangulo.

Nauna rito’y ginisa ng mga senador si Lao sa pagkabigong ungkatin ang background ng Pharmally bago ipinagkaloob ang kontrata na tila sinadya at nagbigay-daan sa pandarambong sa kaban ng bayan.

Sa mga naging rebelasyon kahapon ni Pangulong Duterte, hindi na misteryo kung sino ang backer nina Lao at Yang at kung paano naging ‘pinakamapalad’ ang Pharmally sa panahon ng pandemya.

About Rose Novenario

Check Also

Sa Lumban, Laguna NO 1 KAGAWAD, 1 PA TIKLO SA BUYBUST Boy Palatino Photo

Sa Lumban, Laguna
NO. 1 KAGAWAD, 1 PA TIKLO SA BUYBUST

ARESTADO sa ikinasang anti-illegal drug buy-bust ang isang barangay kagawad at kanyang kasabwat sa Brgy. …

dead gun police

Sa Tanauan, Batangas
DATING AHENTE NG ONLINE SABONG PATAY SA PAMAMARIL

BINAWIAN ng buhay ang isang 40-anyos lalaking napag-alamang dating ahente ng online sabong nang barilin …

Mandaue Cebu Fire

Coastal community tinupok ng apoy
700 PAMILYA NAWALAN NG TAHANAN SA MANDAUE

HINDI bababa sa 700 pamilya ang nawalan ng masisilungan nang sumiklab ang malaking sunog sa …

Daniel Fernando Alexis Castro Children’s Congress Bulacan

Provincial Children’s Congress ginanap sa Bulacan

“BILANG tagapagtaguyod ng mga bata at ama ng lalawigang ito, batid ko ang aking tungkulin …

prostitution

5 bebot naisalba vs ‘drive-thru’ prostitution,  bugaw timbog

NAILIGTAS ng National Bureau of Investigation (NBI) Anti-Human Trafficking Division ang limang kababaihan, kabilang ang …

Leave a Reply