Wednesday , February 28 2024

Pagtaboy ni Sara sa ama camuflaje, zarzuela — Ex PPCRV chief

HATAW News Team

ZARZUELA o romcom lamang ang ginagawang pagdistansiya o pagtataboy kay Pangulong Rodrigo Duterte ng anak na si Davao City Mayor Sara Duterte hinggil sa isyu ng 2022 Presidential election.

O isang camouflage para ipakita sa publiko na magkaiba ang mag-ama sa pamamahala ngunit ang katotohanan ay magkapareho lamang sila ng ‘estilong aayaw-ayaw pero gustong-gusto pala’ kaya hindi dapat malinlang ang publiko.

Tahasang inihayag ito ni dating Parish Pastoral Council for Responsible Voting (PPCRV) Secretary General, Bro Clifford Sorita, sa harap ng ginagawang pagbatikos ni Mayor Sara sa mismong partido ni Pangulong Duterte na PDP-Laban, ang pagdistansiya sa isinusulong na Sen. Christopher “Bong” Go at President Duterte tandem sa 2022 elections, at pagtanggi sa Duterte-Duterte tandem.

Ayon kay Bro. Sorita ang lahat ng argumento, sa bandang huli ay tutumbok din sa Duterte-Duterte at hindi dapat malinlang ang publiko sa ganitong camuflaje.

“Tingin ko sa lahat ng ‘yan ay simply sarzuela or romcom between Sen. Go, Mayor Sara and our President, Mr Duterte. Minsan kasi you have to look past the subterfuge, the camouflage, because all these alignments will just boil down to one thing, mapaanong configuration ‘yan, Duterte-Duterte configuration or Go-Duterte, whichever Duterte that may be,” paliwanag ni Sorita.

Naniniwala ang dating PPCRV head, ang nangyayari sa ngayon ay nais lamang timplahin ng mga Duterte kung ano ang mas acceptable na tandem configuration.

“Kasi masyadong pumalpak itong CoVid-19 response, let’s face it, the pandemic response is a failed response and talagang people are not happy with what’s happening so it’s a camouflage to distance one campaign to the other,” giit ni Sorita.

Paala ng dating PPCRV head, hindi dapat ma-misled ang tao dahil ang katotohanan ay kabilang ang mag- ama sa iisang grupo, ang Davao Group.

“It is the same group trying to regain power, whatever happens for another 6 years. It is simply an extension of power lang naman. Let the people be aware of it na it is not a different configuration, the drama, the sarzuela, this two different groups. ‘Di ba aakalain mo magkaiba? Pero hindi naman dalawang separate groups kasi the people behind it are still the same people,” diin ni Sorita.

Kapwa sina Pangulong Duterte at Mayor Sara ay nakatanggap ng puna sa kanilang pagtugon sa pandemic: ang national government ay binabatikos sa maling paggamit ng CoVid-19 funds ng Department of Health (DOH), mabagal na vaccination drive, at kawalang sistema sa CoVid-19 response; ang anak na alkalde naman ay kinondena sa ginawang pag-iikot sa mga lalawigan at konsultasyon sa mga political leaders habang ang Davao City ay nahaharap sa CoVid-19 surge at may pinakamataas na kaso na nahigitan pa ang National Capital Region.

About hataw tabloid

Check Also

Law court case dismissed

Sa Jemboy Baltazar case
PULIS GUILTY SA HOMICIDE, 4 KABARO, 4 BUWAN KULONG BUGAYONG, ABSUWELTO 

“GANOON LANG? Makalalaya lang sila, sana maramdaman din nila ‘yung nararamdaman ng pamilya ko ngayon …

Sa kasong Statutory Rape LAGUNA REGIONAL LEVEL NA MWP INARESTO NG MAGDALENA POLICE

Sa kasong Statutory Rape
LAGUNA REGIONAL LEVEL NA MWP INARESTO NG MAGDALENA POLICE

CAMP B/GEN. PACIANO RIZAL – Arestado ang isang most wanted person (MWP) sa regional level …

DSWD Project LAWA BINHI DRT Bulacan

DSWD Inilunsad ang Project LAWA at BINHI sa DRT, Bulacan

SA layuning matugunan ang mga epekto ng El Niño phenomenon sa mga mahihirap at mahihinang …

PNP PRO3

PRO3 pinuri ng COA sa pananalapi, at sa 2024 exit conference

NAKATANGGAP ng mataas na papuri ang Police Regional Office 3 (PRO3) sa 2024 Commission on …

Rapist ng Quezon Province nagtago, nalambat sa Bulacan

Rapist ng Quezon Province nagtago, nalambat sa Bulacan

ISANG pugante na may kasong panggagahasa sa Quezon Province ang nahulog sa kamay ng batas …

Leave a Reply

Your email address will not be published. Required fields are marked *