Friday , February 14 2025
Adrian Lindayag Keann Johnson
Adrian Lindayag Keann Johnson

Relasyon nina Adrian at Keann tuloy

FACT SHEET
ni Reggee Bonoan

PAGKATAPOS mabuo ang pagmamahalan nila sa pelikulang The Boy Foretold by the Stars, matitinding hamon naman ang haharapin ng relasyon nina Adrian Lindayag at Keann Johnson sa original digital series na Love Beneath the Stars. Mapapanood na ito ng libre sa Pilipinas sa iWantTFC simula Agosto 16.

Magiging official na ang status nina Dominic (Adrian) at Luke (Keann) bilang magnobyo, pero sunod-sunod na problema ang kailangan nilang suungin–ang pagtutol at panghuhusga sa kanilang relasyon, ang pagkakadawit nila sa isang eskandalo, at ang isyu ng third party.

Ibinahagi nina Adrian at Keann ang mga mahahalagang aral na makukuha ng viewers sa serye tungkol sa pag-ibig.

“Kapag pinili mo, dapat panindigan mo. Dapat kapag pinanindigan mo, dapat alam mo na tanggap mo rin ang challenges na kasama roon. Kasi marami silang challenges na hinarap noong pinili nila ‘yung isa’t isa,” saad ni Adrian sa isang interview.

Kuwento naman ni Keann, “Love knows no gender. No one can tell you who you should or should not love. Even if fate decides na you’re not supposed to be with this person, if you genuinely love this person and you want this person to be part of your life and you know he’s going to be good for you, then by all means you should fight for it.”

Magsisimula ang tensyon sa dalawa dahil pagseselosan ni Luke ang lumalalim na samahan ni Dominic sa schoolmate nilang si Gio (Vaughn Piczon). 

Lalo pang masusubok ang pag-iibigan nina Dominic at Luke dahil magiging malaking eskandalo ang pagiging magka-date nila sa graduation ball. Ituturing kasing kahihiyan ang relasyon nila sa all-boys Catholic school nila, lalo na’t naghalikan sila sa grad ball. Pati ang mga magulang ni Dominic (Agot Isidro at Romnick Sarmenta) ay ikagagalit ang pagkakasangkot nito sa eskandalo at kokontrahin pa ang pakikipagrelasyon ng kanilang anak.

Dahil sa patong-patong na gulo, pagdududahan nina Dominic at Luke ang kanilang pag-ibig. Ano ang susundin nila – ang mga bituin o ang isinisigaw ng kanilang mga puso?

Ang Love Beneath the Stars ay isinulat at idinerehe ni Dolly Dulu at pinagbibidahan din ito nina Nikki ValdezAgot IsidroRomnick SarmentaVictor Silayan, at Iyah Mina. Mayroon itong anim na episodes at isa ang ilalabas kada Lunes simula Agosto 16.

Napapanood na rin ng libre sa iWantTFC sa Pilipinas ang The Boy Foretold by the Stars, na nagwagi ng 2nd Best Picture sa 2020 Metro Manila Film Festival. Available rin ang parehong movie at series sa premium iWantTFC subscribers sa labas ng Pilipinas.

About Reggee Bonoan

Check Also

Jeffrey Hung Artist Lounge Multi Media Nikki Hung Kyle Sarmiento

Jeffrey Hung bagong partner ng Artist Lounge Multi Media, Inc.

MATABILni John Fontanilla STAR studded ang dinner party para sa pagpapakilala ng bagong partner ng Artist …

Drew Arellano Iya Villania Anya Love

Iya isinilang ikalimang anak nila ni Drew

MATABILni John Fontanilla IBINALITA ni Drew Arellano na nanganak na ang kanyang pinakamamahal na asawa, si Iya Villania-Arellano sa …

Matrapik tiyak ngayong Valentine’s Day

I-FLEXni Jun Nardo HAPPY, happy Valentine’s Day sa lahat ng in love na readers ng Hataw! …

Jojo Nones Dode Cruz Sandro Muhlach

Kasong lasciviousness na isinampa ni Sandro vs Nones at Cruz ibinasura 

I-FLEXni Jun Nardo IBINASURA ng Pasay Metropolitan Trial Court ang isa sa charges na isinampa …

Jillian Ward Coco Martin Vice Ganda John Lloyd Cruz

Jillian gustong makatrabaho sina Coco, Vice, at John Lloyd

MA at PAni Rommel Placente AYON sa lead star ng Kapuso series na My Ilonggo Girl, …

Leave a Reply

Your email address will not be published. Required fields are marked *