Friday , January 21 2022

Tsinoy tumakas sukol sa Maynila (Ayaw magbayad sa QC hotel nag-amok; Higit 10 sasakyan binangga)

SA MAYNILA umabot at nakorner hanggang maaresto ang isang Tsinoy, ang naganap na hot pursuit operation ng mga operatiba ng Quezon City Police District (QCPD) matapos magwala at takasan ang kanyang bill sa isang hotel sa Quezon City, nitong Martes ng umaga.
 
Ang suspek na si Arvin Chua Tan, 46, residente sa Gilmore Ave., New Manila, Quezon City, ay nakapiit sa QCPD Kamuning Station (PS10) habang inihahanda ang mga kasong estafa, resistance and disobedience to persons in authority, at multiple damage to property.
 
Sa report ng Quezon City Police District – Kamuning Station (QCPD-PS10), dakong 10:30 am, nitong 13 Hulyo, nang maganap ang insidente sa Hotel Sogo na matatagpuan sa Timog Ave., Brgy. South Triangle, QC.
 
Sa reklamo ni Catherine Pelaez Silva, 40 anyos, branch manager ng Hotel SOGO, 1:00 pm nitong 12 Hulyo, nag-check-in sa SOGO Hotel ang suspek.
 
Kinabukasan, Martes, lalabas na umano ang suspek ngunit tumangging magbayad ng kaniyang bill.
 
Nagulat ang mga staff ng hotel dahil imbes magbayad ng bill ang suspek ay galit na nanghihingi ng halagang P20,000 sa hindi malamang dahilan.
 
Dahil dito, nagkasagutan ang suspek at ang staff ng hotel hanggang tila nawawala sa sariling nag-amok si Tan kaya inireport sa QCPD Kamuning Station (PS10).
 
Agad nagresponde ang mga pulis at habang nasa kalagitnaan ng komprontasyon, mabilis na sumakay si Tan sa nakaparadang itim na BMW sa parking lot ng hotel, binangga ang nakaparadang police mobile car ng mga awtoridad, maging ang NMAX motorcycle na sinasakyan ng kinilalang si P/MSgt. Tagulao, saka pinahuhurot patungong Maynila.
 
Tumakas ang suspek hanggang magkaroon ng ‘hot pursuit operation’ pero patuloy ang pagbangga si Tan sa mga sinusundang pribadong behikulo, maging ang nadaaanang LTO mobile cars, mga motorsiklo, at iba pang mga sasakyan.
 
Umabot ang ‘hot pursuit operation’ sa kanto ng Nicanor Reyes (Morayta) St., at C.M. Recto Ave., sa Sampaloc, Maynila kung saan tuluyan nang nadakma ang suspek. (ALMAR DANGUILAN)

About Almar Danguilan

Check Also

DOH Kalinga Kit

CoVid-19 home care kit suportado ni Bong Go

SUPORTADO ni Senador Christopher Lawrence “Bong” Go, Chairman ng Senate Committee on Health ang hakbangin …

P2.26-B NGP fund gamitin sa trabaho ng mga sinalanta ng bagyong Odette

“ANG bultong pondong P2.26 bilyon para sa reforestation ay dapat mapunta sa mga lugar na …

Presyo ng swab tests pahirap sa mahirap

“ANG presyo ng CoVid-19 swab test ay hindi nakaukit sa bato, at ang mga panuntunan …

Sa maigting na anti-illegal gambling ops
55 SUGAROL NASAKOTE NG QCPD

UMABOT sa 55 katao ang naaresto ng mga awtoridad sa patuloy na anti-illegal gambling operations …

Gun Fire

Bagger binaril

KRITIKAL ang kalagayan sa pagamutan ng isang bagger makaraang barilin ng hindi kilalang suspek habang …

Leave a Reply