Friday , October 7 2022

Duterte, Go hoyo kay Trillanes (Sa P6.6-B iregularidad sa infra)

ni ROSE NOVENARIO
 
SIGURADO si dating Sen. Antonio Trillanes IV, hindi makalulusot sa kasong plunder ang ‘mag-among’ Pangulong Rodrigo Duterte at Sen. Christopher “Bong” Go.
 
“Mabigat ito, hindi nila mapipigil ito, documented ito, huli e. Bituka ito e, deetso ito sa bituka nilang dalawa. ‘Yung pagpapanggap nila na walang corruption at kung ano-anong drama nila, ito hindi nila malulusutan. Hindi ko bibitawan ito,” sabi ni Trillanes sa panayam ng HATAW kahapon.
 
Ayon kayTrillanes, manananawagan siya sa Commission on Audit (COA) na magsagawa ng special audit sa P6.6-bilyong halaga ng 125 infrastructure projects na nakorner ng ama at half-brother ni Go.
“Motu proprio, kailangan na nilang (COA) maglabas ng Audit Observation Memo sa mga proyektong ito at magsagawa ng special audit. Nakita ko kasi ang mga contracts, talagang pinipinahan ang allotted budget,” ani Trillanes sa panayam ng HATAW.
 
Marami aniyang paglabag ang paggawad ng mga proyekto ng Department of Public Works and Highways (DPWH) sa CLTG Builders ni Desiderio Lim Go, ama ni Go at ng Alfrego Builders & Supply ni Alfredo Amero Go, half-brother ng senador.
 
Pareho aniyang may “B” license ang mga naturang kompanya na hindi pinapayagan sa batas na makasungkit ng malalaking proyekto ngunit lumusot bunsod ng joint venture agreements (JVAs) sa mga contractor na may mga “AAA” license.
 
Ang kabuuang P6.6-bilyong halaga ng mga proyektong nakopo ng ama at half-brother ni Go sa Davao City at Davao Region sa panahong alkalde ng siyudad si Pangulong Duterte at unang dalawang taon niya sa Malacañang.
 
“Lahat ng element ng plunder swak talaga kasi deretso sa tatay at kapatid. Pasok talaga ito kasi kung ano ang sinabi sa plunder law na huwag gawin, ginawa nila kaya huli talaga ito. Ni hindi na nga kailangan kumuha ng ebidensiya ng bank accounts na nakinabang sila kasi ibinigay na mismo ang kontrata sa kanila, sila mismo ang nag-benefit na family. You don’t need to find it out kasi pangalan nila,” sabi ni Trillanes.
 
Ang approving authority aniya ay si Pangulong Duterte noong alkalde pa ng Davao City na boss ni Go at ang mga proyekto ay nasa siyudad mismo na labag sa batas.
 
“Kaya dawit itong si Duterte, obvious e, 125 projects, hindi nangyaring aksidente ‘yun. Hindi ‘yan one time big time, 125 ‘yan. This is an airtight case, deretso sa kulungan,” dagdag niya.
 
Kombinsido si Trillanes na ‘natakot’ ang state auditors kay Pangulong Duterte kaya’t kahit naisiwalat ng Philippine Center for Investigative Journalism (PCIJ) ang nasabing isyu noong 06 Setyembre 2018 ay hindi kumilos ang COA.
 
“Can you imagine kung gaano ang takot nila (COA), papatayin sila e. Hindi ba may sinabi si Duterte na itulak na lang sila sa hagdanan, sino ang gaganahan do’n?”
 
Matatandaan sa kanyang talumpati noong 16 Setyembre 2018 sa Laoag City, Ilocos Norte, inudyukan ni Duterte ang mga lokal na opisyal na huwag sundin ang state auditors at itulak sila sa hagdan.
 
Habang noong 08 Enero 2019, sa speech ni sa Barangay Summit on Peace and Order sa Pasay City, nagbanta siyang ipadudukot at isasailalim sa torture ang state auditors.
 
“Putangina ‘yang COA na ‘yan. Leche. Kasi ‘yung COA, every time, may mali talaga. Ano ba itong COA na ito? Mag-kidnap tayo ng taga-COA, lagay natin dito, i-torture natin dito. T___ina,” aniya.
 
Kaugnay nito, sa kanyang Talk to the People kagabi, tila naumid ang dila ni Pangulong Duterte sa mga akusasyon ng korupsiyon nina Trillanes at Sen. Manny Pacquiao at inutusan si Chief Presidential Legal Counsel Salvador Panelo na makipag-debate sa dating senador.
 
“Trillanes, Pacquiao ‘yan, they want to hold power because may nakita silang oportunidad sa kanila. I leave Trillanes to you, baka puro daldal ‘yan hindi naman lalaban ng debate ‘yan,” sabi ng Pangulo.

About Rose Novenario

Check Also

100622 Hataw Frontpage

SPD may namumuong lead
AMBUSH NG BETERANONG BROADCAST JOURNALIST INAASAHANG MAY RESULTA SA LOOB NG 24-ORAS

ni MANNY ALCALA IPINAHAYAG ng Southern Police District (SPD) na nakakuha na sila ng lead …

gun shot

Nagdala ng ‘boga’ sa paaralan, binatilyo dinakip

INARESTO ng mga awtoridad ang isang binatilyong mag-aaral sa bayan ng Marilao, lalawigan ng Bulacan …

prison rape

2 rapists sa Bulacan  deretso sa rehas

NAGTULONG-TULONG ang mga awtoridad sa pag-aresto sa dalawang akusado sa kasong panggagahasa sa lalawigan ng …

shabu drug arrest

MWP, kinakasama timbog sa droga

ARESTADO ang isang lalaking pinaghahanap ng batas kasama ang kanyang live-in partner na nakialam sa …

Percy Lapid Kabataan Party-list

Pagpaslang sa beteranong broadcast journalist  ‘di pinalampas ng Partylist

MARIING kinondena ng Kabataan Partylist ang pagpaslang kay Percival Mabasa, o mas kilala bilang Percy …

Leave a Reply