Monday , January 24 2022

Misis binurda pinagtatataga ni mister (Sa Quezon City)

ISANG misis ang pinagtataga ng kanyang mister sa iba’t ibang bahagi ng katawan hanggang mamatay sa loob ng kanilang tahanan sa Quezon City, iniulat ng pulisya kahapon.

Sa ulat kay Quezon City Police District (QCPD) Director P/BGen. Antonio Yarra, ang biktima ay kinilalang si Realyn Maglimti Lamban,  27, tubong Samar, habang naaresto ang mister na si Ferdinand Suarez Panti, 30, kapwa residente sa Manga St., Sitio San Roque 2, Bagong Pag-Asa, Quezon City.

Sa imbestigasyon ng Criminal Investigation and Detection Unit ng Quezon City Police District (CIDU-QCPD), dakong 3:00 ng madaling araw kahapon, 19 Hunyo, nang maganap ang insidente sa tahanan ng biktima.

Sa mbestigasyon ni P/Cpl. Mark Darwin Contado ng CIDU-QCPD, narinig  ng mga kapitbahay na sina Isah at Anisa Mustapha na sumisigaw ang biktima ng “Tulong tulong may sunog!”

Makalipas ang ilang minuto ay muling sumi­gaw ng  “Tulong tulong sasaksakin ako ng asawa ko!”

Sa takot na madamay, agad inireport ng mga kapitbahay sa QCPD Project 6 Police Station 15 ang nang­yayaring kagulohan sa bahay ng biktima.

Agad nagresponde sina P/Cpl. Reynaldo Corong, at Pat. Melchor Delos Angeles at doon ay naabutang duguang nakabulagta ang biktima habang nakatayo sa harap nito ang suspek na may bahid ng mga dugo sa damit habang nasa tabi ang gamit na bolo sa pananaga.

Naisugod sa East Avenue Medical Center ang biktima ngunit idineklarang dead on arrival dakong 4:37 am, ayon kay Dr. Zyera Prieto.

Sa piitan, ayaw pang magsalita ng suspek kung ano ang motibo sa pananaga sa biktima. (ALMAR DANGUILAN)

About Almar Danguilan

Check Also

Rabiya Mateo Lolo Narding Flores

Rabiya abogado ang tulong na maibibigay kay Lolo Narding

HATAWANni Ed de Leon NANAWAGAN ang dating Miss Universe contestant at nag-aartista na ngayong si Rabiya Mateo sa kung …

Las Piñas City Mayor Imelda Aguilar

Las Piñas City LGU pasado sa SGFH ng DILG

INIANUNSIYO nitong Huwebes, 20 Enero 2022, ni Las Piñas City Mayor Imelda Aguilar ang pagpasa …

Para sa CoVid-19 test kits PITMASTER NAGBIGAY NG P100-M SA LGUs

Para sa CoVid-19 test kits
PITMASTER NAGBIGAY NG P100-M SA LGUs

SA PATULOY na pagsirit ng hawaan ng CoVid-19 sa bansa partikular sa Metro Manila, nag-donate …

NTC suportado sa pagtutol ng OSG sa “ABS-CBN Favoritism Bill” na isinusulong ni Sen. Leila De Lima

SINUPORTAHAN ng National Telecommunication Commission (NTC) ang pagtutol ng Office of the Solicitor General (OSG) …

Cha-cha ipaubaya sa sunod na kongreso — Rodriguez

HINIMOK ni House Deputy Speaker Rufus Rodriguez ang mga kasamahan niya sa Kongreso na ipaubaya …

Leave a Reply