Monday , December 6 2021

DepEd liaison officer, misis, natagpuang patay (Sa Cebu)

DALAWANG araw matapos iulat na nawawala, natagpuang wala nang buhay ang isang liaison officer ng Department of Education (DepEd) at ang kanyang asawang guro at negosyante, sa loob ng kanilang sasakyan sa bayan ng San Fernando, lalawigan ng Cebu, nitong Biyernes, 18 Hunyo.

Kinilala ng mga awtoridad ang mga biktimang sina Gavino Sanchez, 49 anyos, liaison officer ng DepEd-Minglanilla sa Cebu, at Arlene Sanchez, guro sa Tubod Elementary School sa bayan ng Minglanilla.

Natagpuan ang labi ng mag-asawang biktima noong Biyernes ng gabi sa loob ng kanilang pick-up na Mitsubishi Strada sa mabundok na Brgy. Tananas, sa bayan ng San Fernando.

Nabatid na iniulat ng pulis na kapatid ni Gavino na nawawala ang mag-asawa noong Miyerkoles, 16 Hunyo.

Ayon sa pulisya, nakatanggap sila ng ulat na dinukot ang mag-asawa ng mga armadong kalalakihan dakong 4:00 pm noong Miyerkoles.

Ayon kay P/Cpl. Mario Paul Tino ng San Fernando Police Station, isinumbong sa kanila ng mga residente ang isang pick-up truck na dalawang araw nang nakaparada at umaandar ang makina sa tabing kalsada.

Dahil sa masangsang na amoy na nagmumula sa sasakyan, tiningnan ng mga residente ang loob ng sasakyan at dito na nila nakita ang bangkay ng mga biktima.

Ayon sa salaysay ng ilang residente, nakarinig sila ng sunod-sunod na putok ng baril dakong 1:00 ng madaling araw noong Huwebes, 17 Hunyo, sa lugar kung saan nakapa­rada ang sasakyan.

Narekober mula sa loob ng sasakyan ang anim na basyo ng bala ng hindi pa natutukoy na armas.

Ayon sa isang kaanak ng mga biktima, maaaring pagnanakaw ang motibo sa pamamaslang sa mga biktima dahil may ilan silang pag-aaring mga negosyo.

Sinabi rin ng anak ng mga biktima na umuwi ang kanyang ama upang kumuha ng pera at iba pang mahahalagang bagay.

Hindi umano nag­tagal si Gavino sa kani­lang bahay at sinabi sa kanyang anak na nag­hihin­tay ang kanyang asawa.

About hataw tabloid

Check Also

Hataw Frontpage Ping inagapan P300-B kotong sa kaban ng bayan Digong etsapuwera sa kartel ng political dynasty

Digong etsapuwera sa kartel ng political dynasty

ni ROSE NOVENARIO NAETSAPUWERA si Pangulong Rodrigo Duterte sa binuong political dynasty cartel ng kanyang …

Pitmaster Foundation Lucky 8 Corporation PAGCOR

Pitmaster Foundation tuloy-tuloy sa pagtulong

SA KABILA ng kaliwa’t kanang pagbatikos mula sa ilang politiko na tila mga propaganda at …

Quezon Province

2021 annual budget ng probinsiya
9 BOKAL NG QUEZON MAY AMBANG PLUNDER VS GOV. SUAREZ, et al

MAGHAHARAP ng kasong plunder o pandarambong ang siyam na miyembro ng Sangguniang Panlalawigan ng Quezon …

120321 Hataw Frontpage

Tuluyang pagbagsak inaasahan
2 ARAW WALANG BAGONG COVID-19 PATIENT SA PGH

MAY banta man ng bagong variant na Omicron, iniulat ngayong Biyernes ng Philippine General Hospital …

Beatrice Luigi Gomez Rabiya Mateo Catriona Gray Janine Tugonon Miriam Quiambao

MUP winners may sumpa nga ba sa lovelife?

KITANG KITA KOni Danny Vibas HINDI naniniwala si Rabiya Mateo, 25, na may “sumpa” ang …

Leave a Reply