Wednesday , September 28 2022

Dating UEP President natagpuang patay, timbog na suspek umamin sa krimen

ARESTADO ang isang 22-anyos construction worker na pinanini­walaang suspek sa pagpaslang kay Rolando Delorino, dating pangulo ng University of Eastern Philippines (UEP) sa bayan ng Catarman, lalawigan ng Northern Samar, kahapon, Linggo, 13 Hunyo.

Kinilala ni P/Col. Arnel Apud, hepe ng Northern Samar police, ang suspek na si Alvin Plandez, 22 anyos, mula sa Brgy. Cag Abaca, sa naturang bayan.

Ani Apud, natukoy ang pagkakakilanlan ng suspek sa pamamagitan ng kuha sa CCTV.

Nang dakpin ng mga awtoridad, suot pa rin ng suspek ang parehong damit nang paslangin ang biktima at nasa kanya pang pag-iingat ang kutsilyong ginamit.

Ayon kay Apud, bumalik ang suspek sa pinangyarihan ng krimen upang tingnan ang kalagayan ng biktima.

Sa kanyang pagkakadakip, inamin ni Plandez ang krimen at sinabing inutusan siya ng mga miyembro ng New People’s Army (NPA) na patayin si Delorino at kung hindi ay pamilya niya ang mapapahamak.

Samantala, tinitiyak pa umano nina Apud ang impormasyon mula sa suspek na kasalukuyang nasa kanilang kustodiya.

Nabatid na miyembro ang suspek ng isang robbery-extortion group at nauna nang naaresto sa isang kaso noong Pebrero ng kasalukuyang taon.

Natagpuan ng kanyang anak na babae si Delorino na naliligo sa sariling dugo sa kanilang bahay sa Brgy. Dalakit, Catarman dakong 5:45 am.

Pinaniniwalaang sanhi ng agarang pagka­matay ng biktima ang ilang saksak ng kutsilyo sa kanyang katawan.

About hataw tabloid

Check Also

arrest posas

Miyembro ng kilabot na criminal gang nasakote

ARESTADO ang isang hinihinalang miyembro ng kilabot na criminal gang na nakatala bilang isang high …

Angat Dam

Sa kabila ng patuloy na pag-ulan…
TUBIG SA ANGAT DAM BUMABABA PA RIN

SA kabila ng patuloy na pag-ulan sa Metro Manila at mga karatig-lugar, patuloy na bumababa …

Bong Revilla Jr Lani Mercado

Sen Bong wala nang balak tumakbo sa mas mataas na posisyon

SHOWBIZ KONEKni Maricris Valdez Nicasio “SA kanila na ang posisyon!” Ito ang iginiit ni Sen Bong Revilla nang …

Sta Maria Bulacan

Sa Sta.Maria, Bulacan…
2 PUSAKAL NA TULAK NASAKOTE

NAGWAKAS ang maliligayang araw ng dalawang hinihinalang tulak na responsable sa pagkakalat ng ilegal na …

pinuno ng pamahalaan Bulacan

Matibay at umaayon sa pagbabago <br> MGA PINUNO NG BULACAN, NAGKAISA SA PAGRESOLBA NG MGA ISYU NG LALAWIGAN

SA isang pambihirang pagkakataon, nagsama-sama ang mga pinuno ng pamahalaan sa Bulacan sa pangunguna nina …

Leave a Reply