Monday , September 26 2022
Bulabugin ni Jerry Yap
Bulabugin ni Jerry Yap

‘Girian’ ng wannabes para sa 2022 elections ‘wag munang ‘bilhin’

BULABUGIN
ni Jerry Yap
 
SABI nga mayroong maagang naglublob ng daliri sa tubig — una, para alamin ang ‘timpla’ at ikalawa para labusawin ang putik, nang sa gayo’y magkaalaman sa muling pagtining nito.
 
Ang tinutukoy po natin dito ay ang mga nagdaang pangyayari na tila ‘girian’ ng mga ‘wannabes’ sa loob ng kampo ni Pangulong Rodrigo Duterte.
 
Ang tila ‘girian’ ng ‘wannabes’ sa loob ng administrasyong Duterte ay nangyari nang umugong ang pagtakbo ni bise presidente Leni Robredo para presidente.
 
Umugong lang, hindi nagkompirma ang bise presidente.
 
Pero biglang lumutang si dating Senador Antonio “Sonny” Trillanes IV — na nagsabing nakahanda rin siyang sumulong kung hindi itutuloy ni VP Leni ang pagtakbo bilang pangulo.
 
Heto ngayon, wala pa mang kompirmasyon, ‘e bigla nang lumutang ang pangalan nina dating Senador Bongbong Marcos, Davao City Mayor Sara Duterte-Carpio, Senador Manny Pacquiao, Senador Christopher “Bong” Go, at Manila Mayor Francisco “Isko Moreno” Domagoso.
Unang bumisita sa Davao City sina Senador Imee Marcos, kasama ang utol na si BBM. Tsumika-tsika, at presto, pinag-usapan na.
 
Sumunod na lumipad patungong Davao City ay si dating Defense Secretary Gibo Teodoro — sukdulang manghiram ng private plane sa kanyang tiyuhin.
 
Bago iyon, ‘naggirian’ muna sina former PDP Laban vice chairman Al Cusi, at party president Manny Pacquaio — nagkalaglagan nga ba?
 
Pero mukhang hindi na nakaporma at hindi man lang naiwasiwas ang kamao ni Pacman — ang eight division boxing champ — e naka-jab na agad sa kanya si Energy Secretary Cusi.
 
Arayku!
 
Mukhang sa boxing lang champion si Senator Manny, pero amateur na amateur sa politika.
 
Kung marami nang nag-a-apply kay Mayor Sara para maging tandem niya, bigla namang nanahimik si Senador Christopher “Bong” Go, at si Manila Yorme Isko na abalang-abala pa siya para sa Maynila.
 
Heto raw ang mga target na tandem: SA-BONG para sa Sara at Bongbong Marcos; SA-GO, para sa Sara and Bong Go; SA-KO, para sa Sara at Isko; SA-PAC para sa Sara & Pacman; SA-GI para sa Sara at Gibo; at DUT-DUT para sa Sara & Digong.
 
Pero huwag muna kayong magulat sa tandem na ‘yan. Administration ‘wannabes’ pa lang ‘yan, hindi pa naglalabas ng ‘baraha’ ang oposisyon.
 
Ibig sabihin, ‘girian’ pa lang po ‘yan. Titining pa ‘yan bago mag-Oktubre, at doon natin malalaman kung sino-sino ang magiging tandems.
 
Abangan!
 
 
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888[email protected] Para sa mga nakaraang isyu ng BULABUGIN please visit https://hatawtabloid.com
 

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

FIRING LINE ni Robert B. Roque, Jr.

Bagong director, bagong imahen ng NBI, tama?

FIRING LINEni Robert B. Roque, Jr. KAPWA may espesyal na pagkakakilanlan sina Energy Secretary Raphael …

AKSYON AGAD ni Almar Danguilan

Pagdukot, pagpapatubos sa mga Tsinoy, lumala na naman?

AKSYON AGADni Almar Danguilan NAKAPAPANGAMBA ang ulat ng Philippine Chinese Chamber of Commerce and Industry, …

Dragon Lady Amor Virata

Food crisis nakaamba, paano na ang Pinoy?

Isumbong mokay DRAGON LADYni Amor Virata KUNG sakaling magkaroon ng food crisis sa darating na …

YANIG ni Bong Ramos

Mga pulis sa Blumentritt  Detachment, tunay  na mga trabahador

YANIGni Bong Ramos KUNG may patimpalak o ‘di kaya’y kompetisyon para sa best police detachment …

ULINIG ni Randy V. Datu

Sa dumaraming imported frozen
AGRI-PRODUCTS MULA CHINA, ATBP PAMILIHAN, LIGTAS NGA BA?

ULINIGni Randy V. Datu MULA nang isulat ko ang column na Ulinig sa respetado at …

Leave a Reply