Thursday , May 26 2022

Cayetano tutol sa P1k ayuda sa Bayanihan 3

HINDI sinang-ayunan ni dating House Speaker Alan Peter Cayetano ang panukala ng House Committee on Economic Affairs at Committee on Social Services na P1,000 lamang ang ayudang ipamimigay bawat indibidwal sa ilalim ng Bayanihan 3.
 
Sa isang panayam sa Bombo Radyo Dagupan nitong Sabado, 8 Mayo, sinabi ni Cayetano, sapat ang P200 bilyong pondo ng panukalang Bayanihan 3 para makapagpamahagi ng P10,000 ayuda sa bawat pamilya.
 
“Hindi limos ang hinihingi ng ating mga kababayan. Tulong, dahil extraordinary ang problema,” pahayag ng dating Speaker.
 
Nitong Pebrero, inihain ni Cayetano at kaniyang mga kaalyado ang 10k Ayuda Bill na naglalayong mabigyan ng P10,000 tulong-pinansiyal ang bawat pamilyang Filipino habang patuloy ang kawalan ng trabaho at kagutumang dulot ng pandemya.
 
Isinama ang panukalang batas sa bagong bersiyon ng Bayanihan 3, pero sa kasamaang-palad ay hindi isinali ang probisyon na P10,000 ayuda bawat pamilya.
 
Hinimok ng dating Speaker ang publiko na manawagan sa mga mambabatas na suportahan ang mungkahing mabigyan ng P10,000 tulong-pinansiyal ang bawat pamilya.
 
“Ligawan po natin ang ating mga kongresista,” sabi niya.
 
Aniya, puwedeng sumulat ang concerned citizens sa kani-kanilang representante at mga lokal na opisyal para iendoso ang 10k Ayuda Bill.
 
Kompiyansa si Cayetano na hindi ivi-veto o tatanggihan ni Pangulong Rodrigo Duterte ang 10k Ayuda Bill kapag ipinasa ito ng Kongreso dahil may mapagkukunan naman ng pondo para rito.
 
“Nandoon ako sa Gabinete noong ginawa ‘yung Free Education (Act). Iyon din ang sinabi. Pero no’ng nakita ng Pangulo na may pera, nakita niyang maganda ang programa, laban,” wika niya. (HNT)

About hataw tabloid

Check Also

riding in tandem dead

Sa Tuao, Cagayan
BARANGAY CHAIR TODAS SA TANDEM

PATAY ang isang barangay chairman na sakay ng kanyang motorsiklo nang barilin ng hindi kilalang …

explode grenade

Sa San Ildefonso, Bulacan,
BAHAY NG KAPITAN HINAGISAN NG GRANADA

NAWASAK ng shrapnel mula sa inihagis na granada ang ilalim ng pick-up truck, pag-aari ng …

Bulacan Police PNP

6 MWPs sa Bulacan isa-isang naihoyo 

ISA-ISANG nahulog sa kamay ng batas ang anim na kalalakihang pinaghahanap ng batas at sinasabing …

rape

Call center agent na katagay hinalay
TEACHER ARESTADO

NADAKIP ng mga awtoridad ang isang lalaking guro matapos ireklamo ng panghahalay sa isang dalagang …

road traffic accident

Nasipa ng baka
RIDER NASAGASAAN NG TRUCK, PATAY

ISANG rider ang binawian ng buhay nang masagasaan ng isang truck matapos masipa ang kaniyang …

Leave a Reply