Thursday , February 29 2024

1 tiklo sa ‘Gapo, 8 nalambat sa NE (Sa drug bust ng PDEA, PNP)

ISANG suspek na hinihinalang tulak ng droga sa lungsod ng Olongapo, lalawigan ng Zambales, ang dinakip habang nalambat ang walong suspek sa lungsod ng Cabanatuan, lalawigan ng Nueva Ecija sa magkahiwalay na anti-narcotics operation ng mga kagawad ng PDEA3 at PNP nitong Linggo ng hapon, 25 Abril.
 
Sa lungsod ng Olongapo, natimbog ang suspek na kinilalang si Robert Balajadia, 53 anyos, kabilang sa drugs watchlist ng PDEA, ng mga kagawad ng PDEA3-Zambales PO, PDEA3 RSET, SIU SBMA, CIU, PS3, OCPO, at llO SBMA.
 
Nakompiska ng mga awtoridad mula sa suspek ang dalawang pakete ng hinihinalang shabu na may timbang na 15 gramo at tinatayang nagkakahalaga ng P93,500, marked money, at kulay abuhing Toyota Hi-Ace.
 
Samantala, sinalakay ng mga operatiba ng PDEA3 ang isang drug den sa lungsod ng Cabanatuan na nagresulta sa pagkakalambat sa pitong mga suspek na kinilalang sina Robert Guy alyas Bobby, 52 anyos; Ricardo Sumayao, 58 anyos; Michael Castillo, 50 anyos; Rodel Mateo, alyas Ambal, 55 anyos; Jeff Guy, 47 anyos; Jerwin Allarces, 30 anyos; at Jayson Mateo, 50 anyos, pawang mga residente sa nabanggit na lungsod.
 
Nakompiska mula sa mga suspek ang 10 pakete ng hinihinalang shabu na may timbang na 20 gramo at nagkakahalaga ng P136,000, marked money, at drug paraphernalia.
 
Ayon kay PDEA3 Director Christian Frivaldo, resulta ng mga A-1 information mula sa mga tip ng mga impormante, sa programa ng PDEA na “Isumbong mo kay Wilkins,” konektado sa mga serye ng anti-narcotics operation at nagresulta ng pagkakaaresto ng mga suspek.
 
Nakatakdang sampahan ng mga kasong paglabag sa RA 9165 o Comprehensive Dangerous Drugs Act of 2002 ang mga suspek na nanatili sa custodial facility ng mga raiding team. (RAUL SUSCANO)

About Raul Suscano

Check Also

SM Foundation farmer 1

From passion to prosperity
SM Foundation farmer-beneficiary now an agripreneur, draws inspiration from Henry Sy, Sr.

KSK alumna Virgie with some of her mushroom chicharon products Gone are the days when …

April Aguilar Brgy Pilar Las Piñas

VM Aguilar pinangunahan ang pagtulong sa mga nasunugan sa Brgy. Pilar

PINANGUNAHAN ni Las Piñas City Vice Mayor April Aguilar ang pamamahagi ng tulong sa mga …

Pamahalaang Panlalawigan ng Bulacan, Eagle Cement, nagtanim ng 2,000 bakawan sa Hagonoy, Paombong

Pamahalaang Panlalawigan ng Bulacan, Eagle Cement, nagtanim ng 2,000 bakawan sa Hagonoy, Paombong

UPANG panumbalikin ang mga bakawan sa mga baybaying barangay ng lalawigan, nakipagkaisa ang Pamahalaang Panlalawigan …

Wanted na mga criminal, drug dealer sa Bulacan kinalawit

Wanted na mga criminal, drug dealer sa Bulacan kinalawit

NAGSAGAWA ng matagumpay na operasyon ang pulisya ng Bulacan kamakalawa, na nagresulta sa pagkaaresto ng …

Andre Perez Dizon

PBGen Dizon pinarangalan ng PNP NHQ (sa epektibong pamumuno sa hanay ng Kasurog Cops PRO5)

GINAWARAN ng “Medalya ng Katangitanging Gawa si Police Regional Office 5 Director PBGen Andre Perez …

Leave a Reply

Your email address will not be published. Required fields are marked *