Thursday , March 28 2024
Bulabugin ni Jerry Yap
Bulabugin ni Jerry Yap

Duterte admin officials ‘wag po masyadong sensitive sa kritisismo

NAGBABALAT sibuyas na nga ba ang mga opisyal ng Duterte administration?

E kasi naman bakit parang kaunting ‘kritisismo’ lang ni Senator Panfilo “Ping” Lacson ‘e matindi ang reaksiyon ng Palasyo?

Nagmungkahi kasi ang senador na kailangan ang ebalwasyon upang masukat kung ano na ang narating ng pamahalaan sa pagtugon laban sa CoVid-19. Kailangan daw kasing panatilihin ang kalakasan habang nilulutas ang mga lumitaw na kahinaan.

Hayan at bigla siyang tinatakan na namomolitika.

Bakit nga kasi ayaw pakinggan ang kritisismo?! At ang ang mga nagpapahayag ng kritisismo ay agad tinatatakan ng namomolitika lang?

Anong masama sa pagsasabing dapat gamitin nang tama ng gobyerno ang resources ng pamahalaan sa pagbili at pamamahagi ng bakuna. Sa utang na P10.33 trilyones, at may karagdagang $900 mmilyones para sa CoVid-19 response, nakapagtataka nga naman na wala maramdaman ang sambayanan.

Napaghahalata tuloy na ang mga tao sa gobyerno ay naka-longshot na sa May 2022 elections.

Kung sabagay, ilang buwan na lang, kanya-kanyang arangkadahan na ang mga walang sawang magkapuwesto sa gobyerno pero tamad namang magtrabaho kung walang kapalit na ganansiya.

Walang pinag-iba ‘yan sa isang organisasyon diyan sa tabi-tabi na sinalaula na ng iilan at ginamit sa kanilang mga pansariling probetso.

Talagang walang ipinagkaiba. Tsk tsk tsk…

 

P1-B DONASYON
NI PACMAN
SA BAYANIHAN
FUND

ABA, umabot na pala sa P1 bilyon ang naipagkaloob ni Senator Manny “Pacman” Pacquaio sa Bayanihan Fund ng pamahalaan para labanan ang pandemyang dulot  ng CoVid-19.

Hindi nakapagtataka, dahil buhay na buhay ang “Bayanihan” sa kultura nating mga Pinoy lalo ngayong tumataas ang bilang ng CoVid-19 sa bansa.

Pero kahit lubog ang ekonomiya bunsod ng pandemya, ang mga simpleng mamamayan at maiimpluwensiyang Pinoy sa ating lipunan ay walang pag-aatubiling nag-ambag ng pondo sa Bayanihan Fund para tulungan ang gobyerno na tustusan ang gastusin laban sa virus.

Sa ulat ng CNN, umabot sa P8 bilyon ang nalikom na pondo ng Bayanihan Fund at malaki ang naitulong nito sa mga Pinoy, lalo sa pag-angkat ng vaccine kontra CoVid-19.

Kung sabagay, sa simula pa lang ng pandemya, kaliwa’t kanan na ang tulong ng mga negosyante nating kababayan sa mga kapos palad.

Wish lang natin na dumami pa ang may ginintuang puso o mga “bayani” sa hanay ng mga Pinoy na kusang nagbibigay ng tulong sa mahihirap nating kababayan.

Ilan sa mga ‘bayani’ sa kampanya vs CoVid-19 ang mga kompanya nina Tony Tan Caktiong ng Jollibee; Dennis Uy ng Udenna Group; Vista Land owner Manny Villar , Aboitiz Group; Metrobank ng pamilya Gokongwei; SM Group; Manny Pangilinan Group of Companies;  Araneta Group; San Miguel Corporation ni G. Ramon Ang;  Andrew Tan;  Ayala Group; Lopez Group;  Resorts World; Okada; City of Dreams; National Grid Corporation of the Philippines at marami pang personalidad.

Sa kabila nito, hindi rin nagpahuli sa pagbibigay ng tulong si Pambansang Kamao at Sen. Manny Pacquiao na ramdam ang panganga­ilangan ng ating kababayan sa panahon ng pandemya.

Halos P1 bilyon ang ibinigay ni Sen. Pacquiao sa mahihirap nating kababayang Pinoy, lalo ‘yaong nawalan ng trabaho sa pananalasa ng virus. Hindi alintana ni Sen. Pacquiao ang banta ng virus sa buhay at patuloy na nag-iikot para mag-abot ng tulong sa mga nangangailangan.

Tanging si Sen. Pacquiao lang ang opisyal ng gobyerno na nasa listahan ng mga donors sa Bayanihan Fund.

Ang dasal ng mahihirap ay sundan ng iba pang mayayamang negosyante si Sen. Pacquiao para lalong lumaki ang pondo ng Bayanihan Fund nang sa gayon ay maraming naghihirap na Pinoy ang matutulungan.

Kailangan ng gobyerno ang malaking pondo para labanan ang CoVid-19, lalo na’t may iba’t ibang variants ang nakapasok na sa bansa.

Sa mga politiko natin, mag-ambag din sana kayo gaya ni Sen. Pacquiao, at ‘wag naman puro dakdak lang na nagdudulot ng pagkawatak-watak ng mga Filipino.

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *