Monday , October 25 2021
YANIG ni Bong Ramos
YANIG ni Bong Ramos

Liwanag sa dilim

KAHIT paunti-unti ay nakakakita na ng liwanag sa dilim ang mga Pinoy matapos ang isang taon pakikipagsapalaran sa pandemyang dulot ng CoVid-19.

Ang liwanag na ito ay sumisimbolo ng pag-asa sa kabila ng mga hirap at sakripisyong dinanas sa salot na virus na dumapo sa ating bansa.

Nabuhayan ng loob ang ating mga kababayan sa pagdating ng bakunang puwedeng makasugpo at panaban man lang sa pesteng CoVid-19.

Sa pagdating ng mga bakuna mula sa China, nagkaroon ng positibong pananaw ang mga Pinoy na umaasang malapit na nating malagpasan ang krisis.

Minimithi ng isa’t isa na ito na sana ang maging hudyat upang makabangon muli ang mga napahirapang Filipino sa panahon ng pandemya.

Harinawa’y umandar na ang ekonomiya na lumubog bunga ng mga negosyo’t kompanya na napilitang magsara sanhi ng virus.

Sana’y bumalik na nga naman sa normal ang lahat kabilang ang mga trabaho, hanapbuhay at negosyo na matagal din nahimlay.

Ang mga bakunang ito ay lumalabas na ating liwanag sa kabila ng mahabang panahon ng kadiliman na para bang wala nang pag-asa’t kata­pusan.

Maraming kaba­bayan natin ang nagalak, lumakas ang loob at muling umasa na malapit na nating lagpsan ang krisis na ito.

Muling nanum­balik ang dating sigla ng mga Pinoy na dati’y binalot na ng takot at pangamba ang mga puso dulot ng pandemya.

Ang pagpapabakuna ay pinangunahan ng ilang lider ng ating bansa kabilang ang ilang miyembro ng gabinete at mga prominenteng tao sa ating lipunan.

Ang hakbang na ito ay upang mawala ang takot at pangamba ng ating mga kababayan na hanggang sa kasalukuyan ay nagdadalawang isip pa rin.

Sa ngayon ay mayroon tayong 600,000 doses ng bakunang Sinovac na gawa at donasyon ng bansang China bilang tulong na walang inaasahang kapalit.

Hinihikaya’t ng ating gobyerno ang sambayanan na magparehistro upang mabakunahan na sa lalong madaling panahon.

Sinabi rin nila na ligtas at aprobado ng World Health Organization (WHO) ang Sinovac. Huwag na nga naman mag-alinlangan pa dahil ito ay pa rin sa sarili nilang kapakanan.

Maraming iba pang tatak ng mga bakunang gawa sa iba-ibang bansa ngunit ang lahat ay ligtas at dumaan na sa lahat ng pagsubok.

Hindi nga naman ito aaprobahan ng WHO kung hindi ligtas at magkakaroon ng masamang epekto sa mga tao, sentido komon lang nga naman.

Ito na ang liwanag at hudyat upang muli tayong maka-galaw, makabangon at umusad. Ito na rin ang takda upang bumalik sa dati ang kalakaran sa ating bansa.

Ito na ang liwanag na ating minimithing maaninag matapos ang matagal na panahon na tayo’y nasa kadiliman. Sana’ maresolba na ang krisis na ito na halos isang taon din tayong pinairapan, hindi lang tayo kundi ang buong mundo.

YANIG
ni Bong Ramos

About Bong Ramos

Check Also

Bulabugin ni Jerry Yap

Dumausdos sa survey
‘TVC’ NI YORME DAPAT PALITAN

BULABUGINni Jerry Yap HINDI patok sa masa ang TV ads ni Manila Mayor Francisco “Isko …

Bulabugin ni Jerry Yap

Presyo ng langis sumirit energy secretary Al Cusi, anyare?

BULABUGINni Jerry Yap HINDI lang pala kalihim ng enerhiya at political party executive si Secretary …

Balaraw ni Ba Ipe

Dalawang kriminal

BALARAWni Ba Ipe HAYAAN na magbalik tanaw sa kasaysayan. Hayaan na talakayin ang kuwento ng …

Usaping Bayan ni Rev. Fr. Nelson Flores, MSCK, JD

Idalangin natin ang kaharian ng Diyos dito sa lupa

USAPING BAYANni Rev. Fr. Nelson Flores, MSCK, JD. NAKALULUNGKOT na ang ating lipunang ginagalawan ay …

Bulabugin ni Jerry Yap

SENATORIAL SLATE NG BAWAT PARTIDO ‘NAMUMUTIKTIK’ NA POLITICAL BUTTERFLY

BULABUGINni Jerry Yap MUKHANG walang buong line-up ang bawat partido politikal na sasabak sa eleksiyon …

Leave a Reply