Monday , June 24 2024

Tulak dedbol, 12 arestado, sa PRO3 manhunt ops

PATAY ang isang hinihinalang tulak habang 12 ang nadakip ng mga awtoridad sa magkakahiwalay na police operations noong nakaraang Biyernes, 29 Enero, sa lalawigan ng Nueva Ecija.

Base sa ulat ni P/Col. Marvin Joe Saro, direktor ng Nueva Ecija Provincial Police Office, kay PRO3 Director P/BGen. Valeriano de Leon, kinilala ang napatay na si alyas Ipe, residente sa lungsod ng Cabanatuan.

Nabatid, nang matunugang pulis ang katransaksiyon, nanlaban sa mga operatiba ng SDEU Cabanatuan ang suspek sa inilatag na anti-narcotics operation na naging sanhi ng kan­yang agarang kamata­yan.

Samantala, sumuko ang dalawang kasama­hang kinilalang sina Jerwin Gonzales at Melody Cabiso, kapwa kabilang sa drugs watchlist at pawang mga residente rin ng naturang lungsod.

Nasamsam ng mga nagrespondeng Scene of the Crime Operatives (SOCO) mula sa mga suspek ang apat na pakete ng hinihinalang shabu, at marked money, samantala nakuha sa tabi ng bangkay ni alyas Ipe ang kalibre .45 baril na may magasin at mga bala.

Arestado rin ng mga kagawad ng Cabiao Station Drug Enforcement Unit sa hiwalay na operasyon ang apat na hinihinalang tulak na sina Jheann Macapagal, 20 anyos; Kyle Charles Gonzales, 19 anyos; isang menor de edad na hindi na pinangalanan, nahulihan ng walong gramong pina­tuyong dahon ng marijuana; at Regie Dayao, 42 anyos, nakompiskahan ng isang sachet ng hinihi­nalang shabu at marked money, pawang mga residente sa bayan ng Cabiao, sa naturang lala­wigan.

Nalambat din sa Operation Manhunt ang anim na wanted sa batas na may iba’t ibang kaso na kinilalang sina Jon Jon Rarama, 28 anyos; CJay Sambito, 28 anyos; Zenaida Rapadas, 51 anyos; Anselmo Bautista, 39 anyos; Armando Magsino, 40 anyos; at Marko Maximo, 39 anyos, pawang residente ng nabanggit na lalawigan.

(RAUL SUSCANO)

About Raul Suscano

Check Also

knife saksak

Sinaksak ni Tibo
WAREHOUSE STAFF, SUGATAN

GRABENG nasugatan ang isang warehouse staff matapos saksakin ng kapitbahay na babae na kanyang nakatalo …

dead gun police

Robbery suspect patay 2 pulis grabeng sugatan

PATAY ang isang robbery suspect habang dalawang pulis ang sugatan sa isang enkuwentro sa lungsod …

airplane

Sex convict nagtangkang pumasok sa PH huli ng BI

MULING NAHARANG ng mga tauhan ng Bureau of Immigration (BI) sa Ninoy Aquino International Airport …

Samuel Pabonita Pasay Police

POGO sa Pasay, krimen walisin — Pasay cop

INAMIN ni Pasay City Chief of Police Col. Samuel Pabonita, malaking bagay para sa seguridad …

3,000 Caviteños Cayetano DSWD

3,000 Caviteños nagpasalamat sa suporta mula sa mag-utol na Cayetano at DSWD

PINAIGTING ng mga tanggapan nina Senador Alan Peter at Pia Cayetano ang kanilang pagbisita sa …

Leave a Reply

Your email address will not be published. Required fields are marked *