INAMIN ni Jodi Sta. Maria na ikinagulat niya nang ipinagtapat sa kanya ng anak na si Thirdy Lacson, na may girlfriend na ito.
Nangyari ang pagtatapat ng anak sa #AskJodiAnd Thirdy episode sa kanyang Youtube channel na Jodi Sta. Maria PH.
Aware naman si Jodi na binata na ang kanyang anak na si Thirdy at darating ang panahon na magkakaroon din ito ng sariling buhay. Pero nagulat pa rin siya nang sabihin ng anak na may girlfriend na nga ito.
Nang matanong sa aktres kung ano ang naging reaksiyon niya nang unang makilala ang girlfriend ng anak. Hindi agad ito nakasagot at saka sinabing, ”Alam ko naman na darating iyong time na magkakaroon ng girlfriend si Thirdy.
“It was just it came as a surprise lang to me dahil hindi ko ine-expect na ito na, agad-agad, now na. Mas na-surprise,” nakangiting sagot ng aktres/producer.
Tanong uli kay Jodi, nagselos ba siya nang malamang may GF na si Thirdy? Sagot nito,”Hindi. Hindi naman ako nakakaramdam ng selos.”
Hindi naman sinabi kung sino ang girlfriend ni Thirdy. Pero makikita ito sa social media ng binata.
At nang may magtanong kung hindi ba naiilang si Thirdy na bine-baby pa siya ng kanyang ina, walang kagatol-gatol na sinagot nito ng, ”Gusto ko nga bine-baby pa ako.”
SHOWBIZ KONEK
ni Maricris Valdez Nicasio
