Thursday , March 28 2024

2 NPA official arestado sa bahay ng bokal

ni BRIAN BILASANO

ATIMONAN, QUEZON – Dalawang mataas na opisyal ng New People’s Army (NPA) ang inaresto sa loob ng bahay ng isang bokal nitong Sabado, 26 Disyembre ng taong kasalukuyan.

Ayon sa ulat ng pulisya, nadakip ng pinagsanib na puwersa ng Philippine National Police (PNP) at Armed Forces of the Philippines (AFP), ang dalawang rebeldeng NPA na kinilalang sina Ruel Custodio, alyas Baste, tumatayong finance officer ng grupo, at Ruben Istokado, alyas Oyo/Miles, nagsisilbing political officer, na kapwa inaresto sa bisa ng warrant of arrest sa Barangay Zone 3, Poblacion, Atimonan, Quezon.

Base sa mapagka­katiwalaang source, dinakip ng mga awtoridad ang dalawang suspek sa loob umano ng bahay ng isang Rhodora “Dhoray” Tan, kilalang halal na miyembro ng Sanguniang Panlalawigan ng lalawigan ng Quezon at malapit na kaalyado ni Quezon Province Governor Danilo Suarez.

Sa nasabing ope­rasyon, natuklasan ng mga awtoridad ang dalawang hand grenades, isang Bersa Thunder caliber 380 pistol na naglalaman ng 13 bala, isang kalibre .45 pistol na naglalaman ng isang magazine na may anim na bala, at isang Jericho caliber 9mm pistol na may dalawang magazine at ilan pang mga bala. Ang mga nakompiskang armas ay kaagad isinuko sa Atimonan Municipal Police Station (MPC).

Bago ang pag-aresto, una nang nasangkot si alyas Baste sa pangingikil ng ‘revolutionary tax’ sa probinsiya. Noong Hulyo 2019, naharap siya sa kasong kidnapping at sinundan pa ng kasong illegal possession of firearms noong Nobyem­bre 2019.

Samantala, nasangkot si alyas Oyo/Miles sa mga gawaing subersibo at nasampahan ng mga kasong double murder at multiple murder noong buwan ng Setyembre 2014.

Kamakailan, inapro­bahan ng Anti-Terrorism Council (ATC) sa pama­magitan ng paglagda ni Executive Secretary Salvador Medialdea sa Resolution No. 12 na nagtuturing sa Communist Party of the Philippines (CPP) at sa hukbong sandatahan nitong New People’s Army (NPA) bilang grupong terorista sa bansa. Ito’y alinsunod sa Section 4 ng Anti-Terrorism Act.

At dahil dito, lahat ng mga ari-arian ng nabang­git na grupo ay maaaring kompiskahin at ipasara ng Anti-Money Laundering Council’s (AMLAC), batay sa Section II ng Republic Act No. 10168 o ang Terrorism Financing Prevention and Suppression Act.

About Brian Bilasano

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *