Thursday , May 26 2022
arrest prison

Bagong panganak na aktibistang misis, sanggol, inaresto ng Cagayan PNP (Anak ng pinaslang na Anakpawis chairman)

DINAKIP ng mga awtoridad, kasama ang isang-buwang gulang na sanggol, si Amanda Lacaba Echanis, nitong madaling araw ng Miyerkoles, 2 Disyembre, sa bayan ng Baggao, lalawigan ng Cagayan.

Si Amanda ay sinabing, anak ng pinaslang na aktibistang si Randall “Randy” Echanis.

Bago mapaslang, nagsilbing chairman ng Anakpawis ang nakatatandang Echanis.

Sa pahayag ng Anakpawis, sinabing inaresto si Amanda dahil sa kasong ‘illegal possession of firearms and explosives’ na karaniwang kasong isinasampa sa mga aktibista.

Ayon sa abogadong si Atty. Luchi Perez, kasalukuyang nakakulong si Amanda sa Camp Adduro sa lungsod ng Tuguegarao kasama ang kaniyang isang-buwang gulang na anak.

Kinompirma ni P/BGen. Crizaldo Nieves, direktor ng PNP-Police Regional Office 2, ang pagkakadakip kay Amanda at sinabing nagsagawa ang mga awtoridad ng “anti-criminal enforcement” noong Miyerkoles ng madaling araw, may dala umanong search warrant ang Criminal Investigation and Detection Group (CIDG).

Ayon kay P/BGen. Ildebrandi Usana, tagapagsalita ng Philippine National Police, may lagda ng isang hukom ang inihaing search warrant para sa paglabag sa Comprehensive Firearms and Ammunition Regulation Act.

Samantala, kinondena ng Anakpawis ang pag-aresto kay Amanda at naniniwala silang tinaniman ng ebidensiya kaya siya dinakip.

Nananawagan ang grupo na agarang mapalaya, dahil sa ‘just, humanitarian grounds’ si Amanda, na kapapanganak pa lamang sa kanyang unang supling.

Dagdag ng Anakpawis, kasabay ng pagkakadakip kay Amanda ang pagsalakay sa bahay ni Anakpawis Cagayan Valley Chairman Isabelo “Buting” Adviento sa bayan din ng Baggao.

About hataw tabloid

Check Also

riding in tandem dead

Sa Tuao, Cagayan
BARANGAY CHAIR TODAS SA TANDEM

PATAY ang isang barangay chairman na sakay ng kanyang motorsiklo nang barilin ng hindi kilalang …

explode grenade

Sa San Ildefonso, Bulacan,
BAHAY NG KAPITAN HINAGISAN NG GRANADA

NAWASAK ng shrapnel mula sa inihagis na granada ang ilalim ng pick-up truck, pag-aari ng …

Bulacan Police PNP

6 MWPs sa Bulacan isa-isang naihoyo 

ISA-ISANG nahulog sa kamay ng batas ang anim na kalalakihang pinaghahanap ng batas at sinasabing …

rape

Call center agent na katagay hinalay
TEACHER ARESTADO

NADAKIP ng mga awtoridad ang isang lalaking guro matapos ireklamo ng panghahalay sa isang dalagang …

road traffic accident

Nasipa ng baka
RIDER NASAGASAAN NG TRUCK, PATAY

ISANG rider ang binawian ng buhay nang masagasaan ng isang truck matapos masipa ang kaniyang …

Leave a Reply