Tuesday , January 31 2023

Sean de Guzman, ‘di makapaniwalang bida na sa “Anak ng Macho Dancer”  

SOBRA ang kagalakan ng Clique V member na si Sean de Guzman at hindi siya halos makapaniwala nang makuha niya ang lead role sa pelikulang Anak ng Macho Dancer na pinamahalaan ni Direk Joel Lamangan.

Saad ni Sean, “Masayang-masaya po ako, hindi po ako makapaniwala na mabibigyan ako ng ganitong break.”

Dagdag pa niya, “Di ko akalain nang pinabalik nila ako, pinagmi-meetingan na pala nila, ako yung gusto nila magbida, kasi nga raw po, parang kahawig ko raw po si Sir Allan Paule. ‘Di ko po ine-expect na makukuha ko po yung lead role.”

Marami ang nasasabi na bagay kay Sean ang role niya rito dahil bukod sa hawig niya si Allan na gaganap na tatay niya rito, magaling sumayaw at gumiling si Sean dahil isa siyang dancer/singer.

Si Sean ay under ng 3:16 Events and Talent Management ni Ms. Len Carillo.

Nabanggit ni Ms. Len na umiiyak nga si Sean habang ibinabalita sa kanya ang good news na siya ang napili sa lead role ng nasabing pelikula, na ngayon pa lang ay marami na ang nag-aabang.

Sinabi ni Sean na siya ay tinuruan mismo ng mga retired na macho dancer kung paano ang tamang pagsayaw ng sexy at paggiling habang naka-trunks lang.

Nabanggit din ng 20 year old na guwapitong actor na sobra siyang nagpapasalamat kay Direk Joel at sa lahat ng co-stars sa pelikulang ito, lalo na sa mga senior actors na very supportive sa kanya.

Ang pelikulang Anak ng Macho Dancer ay mula sa The Godfather Productions ni Joed Serrano, business consultant si Grace ibuna, supervising producer si Jobert Sucaldito, at line producer naman si Dennis Evangelista. Tampok din sa pelikula sina Jaclyn Jose, Rosanna Roces, Jay Manalo, William Lorenzo, Emilio Garcia, Ricky Gumera, Charles Nathan, David Schion, Miko Pasamonte, Niel Suarez, at iba pa.

ALAM MO NA!
ni Nonie Nicasio

About Nonie Nicasio

Check Also

Lito lapid Jessie Chua Mark Lapid

Sen Lito Lapid ‘di pwedeng kalimutan ang showbiz

COOL JOE!ni Joe Barrameda NAKAKA-TOUCH naman si Sen. Lito Lapid. Matagal pa ang Valentine pero parang …

aldub alden richards Maine Mendoza

Alden itinangging ikinasal at may anak kay Maine

RATED Rni Rommel Gonzales SA wakas ay nagsalita na at tinapos na ni Alden Richards ang walang …

Vin Abrenica Sophie Albert

Vin Abrenica at Sophie Albert ikinasal na

MATABILni John Fontanilla NAG-ISANDIBDIB na noong Miyerkoles sina Vin Abrenica at Sophie Albert makaraan ang ilang taong pagsasama. Hindi …

Cassy Legaspi Darren Espanto

Cassy aminadong boyfriend material si Darren

MA at PAni Rommel Placente MAGKAIBIGAN nga lang ba sina Cassy Legaspi at Darren Espanto kahit na madalas silang …

Jeremy Luis Marikit

Ex-Starstruck Jeremy Luis muntik mag-quit sa showbiz

MATABILni John Fontanilla HANDANG-HANDA na muling mag-focus sa kanyang showbiz career ang guwapong dating Starstruck Batch 7 …

Leave a Reply