Rocco Nacino, naghatid ng tulong sa Rizal

NAKIISA ang Kapuso actor at Navy Reservist na si Rocco Nacino sa pamamahagi ng relief goods sa mga nasalanta ng bagyong Ulysses sa Dela Costa 5, Rodriguez, Rizal noong Linggo, November 15.

Inilunsad ng team S.T.A.R.S. ng Philippine Navy at Philippine Marine Corps ang relief operation na halos 2,000 katao ang nabigyan ng relief packs at iba pang essentials tulad ng damit na ibinigay ng BCMC Class 01-20 Batch Dakila.

Samantala, dumulog din si Rocco sa social media para makalikom ng donasyon para sa mga naapektuhan ng bagyong Ulysses.

Post niya sa Instagram, “Sa mga Kapusong handang tumulong, nandito muli ang @gmakapusofoundationph para iparating ang tulong ng taong may gintong puso para sa mga nasalanta ang kabuhayan, tirahan at mga naulilang mahal sa buhay. Kaisa ang GMA Kapuso Foundation sa pagabot ng tulong sa marami nating naapektuhang kababayan. Maraming Salamat, mga Kapuso! We can do this.” 

Para sa mga nais mag-donate, bisitahin lang ang: https://www.gmanetwork.com/kapusofoundation/donate.Rated R
ni Rommel Gonzales