Saturday , July 19 2025

Tagisan ng Galing ng Net25, nakalulula ang papremyo

TUMATAGINTING na P2-M ang papremyong mapapanalunan ng tatanghaling grand champion sa reality show na Tagisan ng Galing ng Net 25 na prodyus ng Eagle Broadcasting Corporation. Kaya hindi nakapagtatakang isa ito sa pinagkakaguluhan at mainit na pinag-uusapan ngayon.

Imagine nga naman, milyon agad ang papremyo kapag kayo ang nagwagi sa sayaw at pagkanta. Hindi lang ‘yan, P1-M din ang makukuha ng 1st runner-up at P500,000 naman ang 2nd runner-up. Ang bongga ‘di ba?! Saan ka pa?!

Kaya naman kahit ang mga judge ng Tagisan ng Galing ay excited sa reality show na ito tulad nina Joy Cancio at Mia Pangyarihan sa Sayawan contest.

Parehong choreographer ng Sexbomb at Focus E sina Joy at Mia at ipinagmamalaki nila ang show na ito. Hindi lang dahil sa malaki ang ibinibigay nilang papremyo kundi tunay na malapit sa kanila ang pagsasayaw. Idagdag pa ang sobrang warm ng mga katrabaho sa Net 25.

Ani Joy nang makatsikahan namin ito sa launching ng kauna-unahang romantic drama series na Ang Daigdig Ko’y Ikaw na pagbibidahan nina Ynna Asistio at Geoff Eigenmann na ginanap sa INC Museum“Ang sarap-sarap katrabaho ng mga Kapatid (sa Iglesia) kasi madali silang kausap, sobrang pampered kaming lahat pati mga contestant. Madali rin ang audition. At nakatutuwa kasi ang dami-daming sumasali, word of mouth na rin kasi itong ‘Tagisan ng Galing.’”

Halong amateurs at professionals ang sumasali sa tagisan ng sayaw kaya aminado ang dalawa na hirap sila sa pamimili.

“’Yung iba napanood ko na before na sumali sa ibang dance contest kaya familiar faces sila sa amin,” susog naman ni Mia.

Kasama nina Joy at Mia sa mga hurado sina Wowie de Guzman na dating miyembro ng Universal Motion Dancers at si Joshua Zamora ng Maneuvers.

SHOWBIZ KONEK
ni Maricris Valdez Nicasio

Krystall Herbal Products and FGO Branches

About Maricris Valdez Nicasio

Check Also

Camille Prats

Camille acting iiwan focus muna sa mga anak

MA at PAni Rommel Placente NAGPAALAM na ang karakter ni Camille Prats bilang si Olive Caparas sa afternoon …

Ogie Diaz Zanjoe Marudo How To Get Away From My Toxic Family

Ogie Diaz may payo, paano nga ba makawala sa toxic family?

RATED Rni Rommel Gonzales TINANONG namin si Ogie Diaz kung ano ang maipapayo niya tungkol sa toxicity …

Sharon Cuneta scented candles

Sharon may bagong negosyo

MATABILni John Fontanilla PINAGKAKAABALAHAN ngayon ni Sharon Cuneta ang paggawa ng scented candles at  gusto nitong gawing negosyo. …

BlueWater Day Spa 5

Teejay Marquez at Choi Bo Min, sinabi mga gustong maka-bonding sa BlueWater Day Spa

ALAM MO NA!ni Nonie Nicasio SINA Teejay Marquez at Korean actor na Choi Bo Min ang …

Dina Bonnevie House of D

Dina nagtampo sa Diyos

RATED Rni Rommel Gonzales KINAMUSTA namin si Dina Bonnevie makalipas ang anim na buwan mula nang pumanaw …

Leave a Reply

Your email address will not be published. Required fields are marked *