Saturday , October 1 2022

Restoran ni Mia, ginawang grocery bago naibalik sa dine-in

MALAKI ang pasasalamat ni Mia Pangyarihan na inalok siya ng Net 25 para maging isa sa mga hurado (danding) ng Tagisan ng Galing kasama sina Joy Cancio, Wowie de Guzman, at Joshua Zamora na napapanood tuwing Sabado at Linggo, 12:00 nn at 9:00 p.m. sa Net 25. 

Kahit paano kasi’y nabawasan ang pag-aalala niya sa restoran niya na naapektuhan ng Covid-19 pandemic. Maganda kasi ang takbo ng restoran niyang Japanese and Korean fusion, ang Yoshimeatsu na nasa Tomas Morato, Q.C. noong wala pang pandemic. Pero nang magka-pandemic napilitan siyang gawin na lamang itong grocery para hindi maisara.

Kuwento ni Mia, “Hindi ko puwedeng isara kasi need ng pambayad ng upa kasi isang buwan lang ‘yung inilibreng upa noong lockdown. Kaya ginawa kong grocery store muna habang bawal pa ang dine-in para lang maski paano may mabuo para sa upa, kahit na makakalahati lang.

“Ang masakit kailangan kong magbawas ng tao kasi hindi ko na kayang pasuwelduhin at naintindihan naman nila. ‘Yung sa store, isa lang tao roon, siya na lahat, tindera, kahera.

“Ngayong puwede na ang dine-in hindi pa rin bawi kasi one table apart pa, so mga 20-30 lang taong kumakain, kulang pa rin.

“Ang dami ko pang ipinagawa kasi need ko magpagawa ng acrylic barriers o divider plus ‘yung iba pa para sa health protocols. Sana makabawi sa mga susunod na buwan na.”

Ani Mia, dahil sa Tagisan ng Galing ng Net 25, marami ang nabigyan ng trabaho tulad niya.

“Ang daming nabigyan ng work ng NET 25 kaya nagpapasalamat kami talaga,” sambit ni Mia.

Bukod sa Tagisan ng Galing (dancing), mayroon din itong Tagisan ng Galing (singing) na ang mga hurado naman ay sina Imelda Papin, Marco Sison, Marcelito Pomoy, Jessa Zaragoza, at Vina Morales. Naglalakihan din ang papremyo rito.

SHOWBIZ KONEK
ni Maricris Valdez Nicasio

About Maricris Valdez Nicasio

Check Also

Barbie Imperial Carlo Aquino Trina Candaza

Barbie sa bintang na dahilan ng hiwalayang Carlo-Trina: Parang ‘yung mga tao gigil na gigil maging kabit ako ‘no? 

SHOWBIZ KONEKni Maricris Valdez Nicasio TILA nanggigigil si Barbie Imperial sa mga netizen na nagbibintang sa kanya …

Blind Item, Man Woman Fighting

Provincial tour’ ni male star buking ni GF aktres

ni Ed de Leon NA-SHOCK ang isang aktres nang malaman niyang ang kanyang boyfriend na male …

Vhong Navarro Ogie Diaz

Ogie ibinuking: Vhong dineadma ng isang kaibigan

MA at PAni Rommel Placente SABI nga, kapag ang isang tao ay gipit o may …

Polo Ravales

Polo sobrang naiyak nang tamaan ng Covid ang buong pamilya

MA at PAni Rommel Placente NOONG June 27 ay 40th birthday ni Polo Ravales. Supposedly, magkakaroon siya ng …

Sean de Guzman

Sean nakapagpundar na ng bahay at lupa

REALITY BITESni Dominic Rea SA magkasunod na buwan ay dalawang International trophy ang nasungkit ni Sean …

Leave a Reply