Monday , October 3 2022
hazing dead

21-anyos senior high patay sa hazing (Sa Zamboanga)

HINIHINALANG namatay ang isang 21-anyos estudyante ng senior high school sa lungsod ng Zamboanga, dahil sa initiation rites ng isang fraternity noong Linggo, 15 Nobyembre.

Kinilala ang biktimang si Joselito Enviado, residente sa Sarangani Drive, Barangay San Jose Guzu, sa naturang lungsod, at Grade 12 student ng Zamboanga City National High School West.

Idineklarang dead on arrival si Enviado sa Zamboanga City Medical Center (ZCMC) matapos dalhin nang himatayin sa gitna ng initiation rites ng Tau Gamma Phi (TGP) fraternity, Trigusu Chapter.

Ayon kay Police Region Office – Zamboanga Peninsula Director P/BGen. Jesus Cambay, Jr., isa si Enviado sa anim na neophyte na sumailalim sa initiation dakong 10:00 am noong Linggo, sa bahay ng isang miyembro ng TGP sa Barangay San Jose Guzu.

Nabatid na hinimatay ang biktima habang pinapalo siya ng paddle sa initiation rites.

Dinakip ang hindi bababa sa siyam na opisyal at mga miyembro ng TGP-Trigusu chapter, habang nakompiska sa kanila ang isang paddle.

Samanatala, kusang sumuko ang apat na iba pang miyembro ng fraternity na natukoy na nasa initiation rites sa Zamboanga City Police Office.

Kinilala ang mga sumukong miyembro ng TGP na sina Reymark Paler, 27 anyos; Wendell Cartalaba, 23 anyos: Ruvec Cartalaba, 20 anyos; at Joseph Villarez, 35 anyos, pawang mga residente sa Doña Martha drive, sa nasabing barangay.

Ipinag-utos ni Zamboanga City Mayor Maria Isabelle Climaco sa pulisya na magsagawa ng malalimang imbestigasyon kaugnay sa hinihinalang insidente ng hazing na naging sanhi ng kamatayan ni Enviado.

Kasalukuyang nakapiit ang mga suspek sa lokal na police custodial facility habang inihahanda ang kasong homicide at paglabag sa RA 11053 o Anti-Hazing Act of 2018 na isasampa laban sa kanila.

About hataw tabloid

Check Also

Bulacan

Mahigit 4,000 na evacuees sa Bulacan bumalik na sa kanilang mga tahanan matapos ang Super TY Karding

MAY kabuuang 4,760 na indibidwal ang ligtas nang nakabalik sa kanilang mga tahanan noong Martes, …

5 rescuers na nasawi sa Bulacan bibigyan ng espesyal na pagpupugay

5 rescuers na nasawi sa Bulacan bibigyan ng espesyal na pagpupugay

 ISANG espesyal na pagpupugay para parangalan ang limang ‘bayaning tagapagligtas’ na nasawi habang nagliligtas ng …

Hinigop ng rumaragasang tubig sa kanal…
2-TAONG GULANG NA BATANG LALAKI, NAMATAY SA PAGKALUNOD

BANGKAY na nang matagpuan sa nagpuputik na palayan ang isang batang lalake matapos na mahulog …

Bulacan Police PNP

Bulacan police umiskor
MAHIGIT 765K HALAGA NG DROGA NAKUMPISKA, 15 DRUG SUSPEK NALAMBAT AT 6 NA LAW OFFENDERS NAI-HOYO

TINATAYANG aabot sa mahigit 765K halaga ng iligal na droga ang nakumpiska habang 15 drug …

Dagdag na benepisyo hiling ng pamilya ng mga nasawing rescuers sa Bulacan

Dagdag na benepisyo hiling ng pamilya ng mga nasawing rescuers sa Bulacan

NANAWAGAN ang mga kamag-anak ng ilan sa mga nasawing rescuer sa Bulacan ng dagdag na …

Leave a Reply