Thursday , October 6 2022
Sipat Mat Vicencio

Maling ‘galaw’ ni Velasco

MARAMI ang nag-akala na sa pagkakaluklok ni Rep. Lord Allan Velasco bilang bagong speaker ng House of Representatives, ang mga tapat at kakamping kongresista nito ay mabibigyan ng puwesto matapos masibak si dating Speaker Alan Peter Cayetano.

Pero marami ang nagkamali sa mga kaalyadong kongresista ni Velasco, dahil sa halip na sila ay ilagay sa mga pangunahing komite, ang mga sipsip kay Cayetano na mambabatas ay patuloy pa rin ang pananatili at pamamayagpag sa kani-kanilang magagandang puwesto.

Isang halimbawa na rito si Majority Floor Leader Martin Romualdez na sa kabila ng pagiging matapat at sunod-sunuran kay Cayetano ay nanatili pa rin sa kanyang posisyon.

Tulad ni Romualdez, marami rin ang nagtataka kung bakit binigyan pa ng committee chairmanship si Pampanga Rep. Mikey Arroyo samantalang alagad din ito ni Cayetano. Si Arroyo ay kabilang sa tinatawag na Team Cayetano na nagtungo sa Malacañang para kausapin ang pangulo at kumbinsihin ito na ipagpaliban ang term-sharing sa speakership.

At bakit tahimik din si Velasco sa tinaguriang “Magnifcent 4”?  Sina Rep. Mike Defensor, Rep. Rodante Marcoleta, Rep. Pidi Barzaga, at Rep. Boying Remulla ay sumikat noong kasagsagan ng pagdinig sa prangkisa ng ABS-CBN at talagang masasabing mga sagad-sagaring pro-Cayetano.

Bagamat nasibak na sa kanyang puwesto si Rep. LRay Villafuerte, marami pa ring kongresistang kakampi ni Cayetano ang kailangang tanggalin sa kani-kanilang posisyon dahil hindi rin magiging maganda ito para sa mga kongresistang sumuporta kay Velasco.

Ilan sa mga sinasabing sanggang-dikit ni Cayetano ay sina Rep. Dan Fernandez, Rep. Jose Antonio Sy-Alvarado, Rep. Eric Yap, Rep. Raneo Abu, Rep. Robert Barbers at iba pang mambabatas na unti-unting lumalapit kay Velasco para hindi mabulabog ang kanilang puwesto.

Kaya nga, kailangang kumilos kaagad si Velasco at tuluyang gumawa ng aksiyon bago magtampo at mawala ang suporta ng kanyang mga tunay na kakamping mambabatas. Ayaw nating dumating ang panahong mabigla na lamang si Velasco at wala na siyang suporta sa Kamara.

Mapanganib at mabalasik ang mga balimbing na politiko. Kailangang mag-ingat si Velasco dahil ito ang wawasak sa kanyang liderato. Pagsisimulan ito ng intriga at sigalot sa pagitan ng kanyang mga tunay na supporter at dating kaalyado ni Cayetano.

Hindi pa huli ang lahat, unahing purgahin ni Velasco ang mga mambabatas na nagpakita ng pagiging arogante sa kanilang puwesto. Ang mga sumamba kay Cayetano ay hindi kailangang manatili sa kanilang kapangyarihan at kinakailangang kalusin kaagad.

Mag-ingat sa kamandag ng mga ahas na politiko dahil ito ang sisira sa liderato ni Velasco.

SIPAT
ni Mat Vicencio

About Mat Vicencio

Check Also

FIRING LINE ni Robert B. Roque, Jr.

Mga kakaibang pangyayari sa PCSO at BIR

FIRING LINEni Robert B. Roque, Jr. ANG statistical probability na matsambahan ang kombinasyon ng mga …

AKSYON AGAD ni Almar Danguilan

5-minuto responde, posible ba?

AKSYON AGADni Almar Danguilan LIMANG MINUTO, oo kinakailangan sa loob ng limang minuto ay nakapagresponde …

Dragon Lady Amor Virata

Mga tatay na walang sustento sa inabandonang anak, mananagot

Isumbong mokay DRAGON LADYni Amor Virata LAGOT ang mga ama ng sanggol na isinilang ng …

Sipat Mat Vicencio

Sobrang yabang ni Senator Tol

SIPATni Mat Vicencio KUNG TUTUUSIN, halos dalawa at kalahating taon pa bago ang nakatakdang midterm …

ULINIG ni Randy V. Datu

Kabayaran ng katigasan ng ulo sa panahon ng kalamidad

ULINIGni Randy V. Datu MAPAGPALANG ARAW sa ating lahat. Ating naulinigan na maaliwalas na ang …

Leave a Reply