Monday , December 6 2021

Daniel umeeskapo, makita lang si Kathryn (‘Di nakatiis noong lockdown)

SA panahon pala ng total lockdown noong Marso ay hindi napigilan sina Daniel Padilla at Kathryn Bernardo na hindi magkita dahil talagang gumawa ng effort ang aktor para puntahan sa bahay niya ang katipan.

 

Ito ang inamin ni DJ sa virtual mediacon ng digital movie nilang The House Arrest of Us na mapapanood na thru KTX (October 24) at iWant-TFC (October 25) mula sa direksiyon ni Richard Arellano handog ng Star Cinema.

 

Nahirapang hindi magkita ng ilang araw ang KathNiel, “sa sobrang hirap pinuntahan ko siya ha, haha. Siguro mga dalawang araw lang kaming hindi magkita pinuntahan ko na kasi bago mag-lockdown kami lang din naman ang magkasama so, after couple of days pumunta ako, ‘yun lang naman ang ruta ko, magkikita kami tapos uuwi rin ako, ganoon lang hindi naman kami gumagala-gala kung saan-saan. Hindi kayang hindi magkita,” pagtatapat ni Daniel.

 

Hirit naman ni Kathryn, “oo, hindi kaya.”

 

Biro naman ni Robi Domingo bilang host sa mediacon, “frontliner ng pag-ibig ‘yan si Daniel.”

 

At dahil ikinasal sa The House Arrest of Us ang KathNiel, inamin nilang dalawa na hindi pa rin nagbabago ang plano nilang magpakasal bago tumuntong ng 30-anyos ang aktor at beach wedding pa rin ang gusto nila.

 

“Pareho kami na ‘yung dream wedding namin is simple lang and very intimate, ‘yan ‘yung beach wedding.

 

“So, everytime tinatanong kami ‘yan ‘yung isinasagot namin na pareho namin hilig ‘yung beach. Wala namang specific date na sinabi namin na kapag ganitong year kasal na.

 

“Ayaw ko naman siyang i-pressure pero darating din ‘yung mga bagay na ‘yan. Mararamdaman mo naman kapag ready na kayo. So, tingnan natin kung anong period.

 

“Gusto kong bumuo ng pamilya habang bata pa kami para masabayan ko ang paglaki nila, ang energy nila,” sabi ni Kath.

 

Inamin din ng aktres na inihahanda rin niya ang sarili sa edad niyang 24, kaya may anim na taon pang paghahanda.

 

“May ilang panahon pa kami before we turn 30. Actually, ‘yun naman talaga ‘yung plan. Of course, agree ako kasi napag-uusapan naman namin ‘yun. At nasa tamang age na kami para i-ready ang mga sarili namin ‘pag dumating tayo sa punto na ‘yun.

 

“And now ‘yun ‘yung dahilan kung bakit kami nagtatrabaho. As in lahat ng kailangan i-ready, kasi malaking step ‘yun and pagdating niyon at least ‘di ba ready na kami and relax na lang.”

 

Ayon naman kay Daniel, ayaw niyang ma-pressure si Kathryn dahil alam naman niya ang priorities ngayon ng dalaga. Willing siyang maghintay kung kailan handa na ito para sa level-up ng kanilang relasyon.

 

Anyway, gagampanan ni Daniel ang karakter na Korics sa digital movie na The House Arrest of Us at Q naman si Kathryn na bago sila ikinasal sa pelikula ay maraming dinaanang hirap sa bawat pamilya nila.

 

Ano ang pagkakahawig ng karakter ni Daniel sa tunay na buhay?

 

“Si Korics is very similar with DJ. ‘Yung characters nila kapag mapapanood mo medyo similar kasi bago rin mabuo ‘yung character, pati ‘yung pangalan niya, tinanong din siya ng writer and tumulong siya sa pagbuo kay Korics ‘yung character niya. So personal sa kanya ‘yun.

 

“Similar I think ‘yung pinakahawig kay DJ kung paano siya sa pamilya niya, sa mga kapatid niya. Kasi roon maipapakita kung gaano ka-protective si Korics sa sisters niya, sa nanay niya sa general.

 

“And siya kasi ‘yung klase ng tao na close sa mom niya so parang natural sa kanya siguro maging kuya kasi in real life ganoon din siya. Kuya ng lahat. Siya ‘yung nagdi-discipline. Ganoong klaseng tao,” kuwento ni Kathryn.

 

Kaya natanong din ang KathNiel kung kumusta ang relasyon ng kani-kanilang family in real life.

 

“I think it’s safe to say na okay. Okay ‘yung relationship ko kay Tita Karla and si mama and si DJ super okay. Happy kami in real life maayos ‘yung pamilya namin pareho.

 

“Siguro tumatag na rin sila over the years na lagi kaming magkasama so parang ‘yung mga kapatid niya para ko na ring kapatid sila.

 

“And parang extended family ko na rin sila. So I’m happy na ganoon ‘yung klase ng relationship na mayroon kami,” pahayag ng aktres.

 

Bukod sa KathNiel, kasama rin sina Ruffa Gutierrez, Dennis Padilla, Arlene Muhlach, Gardo Versoza, Alora Sasam, at Herbert Bautista.

FACT SHEET
ni Reggee Bonoan

About Reggee Bonoan

Check Also

Blind Item, showbiz gay, male stars models

Maimpluwensiyang showbiz gay trip i-video ang kakaibang ‘date’

HATAWANni Ed de Leon ANG lakas ng loob ng isang showbiz gay. Mukhang marami na siyang naiipong pictures at …

Tony Labrusca

Tony Labrusca bumaba ang popularidad

HATAWANni Ed de Leon NAPANSIN lang namin, mukhang napakabilis yata ng pagbaba ng popularidad ni Tony Labrusca. May …

James Reid Nadine Lustre Jadine Ikea

Career nina James-Nadine mag-survive kaya kahit hiwalay na?

HATAWANni Ed de Leon NAKITA sina James Reid at Nadine Lustre sa isang shop noong isang araw, pero maliwanag namang hindi sila magkasama. …

Albie Casino, Andi Eigenmann, Jake Ejercito

Albie milyon ang nawala dahil kay Andi

MA at PAni Rommel Placente NAIINTINDIHAN na namin kung bakit hanggang ngayon ay galit at …

Blind Item, Man Woman Fighting

Aktor at aktres panay ang dyombagan

FACT SHEETni Reggee Bonoan AWAY-BATI ang drama ng magkarelasyon na ito at matindi silang mag-away dahil …

Leave a Reply