Friday , July 18 2025

Billy sa pagtapat sa EB at It’s Showtime– Hindi po kami nakikipag-kompetensiya

PARANG wala namang nabago sa trabaho ni Billy Crawford dahil noong nasa ABS-CBN siya ay dalawa o tatlo ang programa (It’s Showtime, Pilipinas Got Talent, at ASAP) niya at isang daily at weekends pa kaya nga tinutukso siya noon na laman siya ng telebisyon.

 

Ngayong nasa TV5 na siya ay dalawa naman ang programa niya, isang daily (Lunch Out Loud) at weekend (Masked Singer) na parehong produced ng Brightlight Productions.

 

Noong wala pa silang anak ni Coleen Garcia-Crawford ay puwede ang maraming shows, pero ngayong may anak na sila at si Billy ang duty sa gabi ay paano niya hahatiin ang oras para sa anak, asawa, at sa trabaho?

 

Sa virtual mediacon ng Bigger Better BER-months para sa Lunch Out Loud ay ipinaliwanag ni Billy na napagplanuhan na niya kung paano aayusin ang oras niya.

 

 “Ang pinakaimportante, I get to manage my time. Alam n’yo po, ‘yung taping hours naman po, hindi katulad ng dati, kasi we still have to abide by all the rules and regulations about the swabbing.

 

“Alam n’yo ‘yung pag nasa trabaho ka, kahit katutuntong mo lang doon, uwing-uwi ka na dahil gusto mo lang siyang makuha or mayakap or mapa-burp man lang.

 

“Pero ‘yun ‘yung ilang mga sakripisyo na kailangan pong gawin ng isang tatay para maitawid nang maayos ‘yung pangarap ng anak namin.”

 

Ang usaping Showtime ay hindi maiwasang hindi tanungin kay Billy na sa ayaw at sa gusto niya ay makakatapat ang dati niyang programa lalo’t nasa Free TV na rin sila ngayon, sa A2Z Channel 11.

 

 “We’re not trying to compete, hindi po kami nakikipagkompetensiya dahil may mga talagang sobrang nauna na po sa amin talaga. ‘Yan po ang ‘Eat Bulaga,’ pati na rin ang ‘It’s Showtime.’

 

“We just want to add more fun and we just want to send more love out there and hopefully, inspire people, lahat ng nanonood po, na makatulong po tayo. Magsama-sama at magkaisa po. ‘Yan po ang gusto naming paratingin sa buong mundo na unity is more important and humility,” katwiran ni Billy.

 

Anyway, bukod kay Billy ay kasama rin sina Bayani Agbayani, Ariel Rivera, Wacky Kiray, K Brosas, KC Montero, Macoy Dubs, at Alex Gonzaga, sa Lunch Out Loud na mapapanood na sa TV5 mula Lunes hanggang Sabado.

FACT SHEET
ni Reggee Bonoan

Krystall Herbal Products and FGO Branches

About Reggee Bonoan

Check Also

Camille Prats

Camille acting iiwan focus muna sa mga anak

MA at PAni Rommel Placente NAGPAALAM na ang karakter ni Camille Prats bilang si Olive Caparas sa afternoon …

Ogie Diaz Zanjoe Marudo How To Get Away From My Toxic Family

Ogie Diaz may payo, paano nga ba makawala sa toxic family?

RATED Rni Rommel Gonzales TINANONG namin si Ogie Diaz kung ano ang maipapayo niya tungkol sa toxicity …

Sharon Cuneta scented candles

Sharon may bagong negosyo

MATABILni John Fontanilla PINAGKAKAABALAHAN ngayon ni Sharon Cuneta ang paggawa ng scented candles at  gusto nitong gawing negosyo. …

BlueWater Day Spa 5

Teejay Marquez at Choi Bo Min, sinabi mga gustong maka-bonding sa BlueWater Day Spa

ALAM MO NA!ni Nonie Nicasio SINA Teejay Marquez at Korean actor na Choi Bo Min ang …

Dina Bonnevie House of D

Dina nagtampo sa Diyos

RATED Rni Rommel Gonzales KINAMUSTA namin si Dina Bonnevie makalipas ang anim na buwan mula nang pumanaw …

Leave a Reply

Your email address will not be published. Required fields are marked *