HATAW! D'yaryo ng Bayan hatawtabloid.com
HINDI napigilang maging emosyonal ni Kim Chiu nang ipakilala ng mga kasamahang host sa It’s Showtime bilang kasama nila sa pagbibigay-saya tuwing tanghali.
“Thank you na pinayagan niyo ako na tumuntong dito and makasama kayo. Masaya ako na araw-araw tayong tatawa kasama ang madlang people. Maraming salamat. Kapamilya Forever tayo,” sambit ng aktres na napanood na simula noong Lunes.
Maraming fans ang natuwa kaya naman trending trending topic sa Twitter Philippines ang unang paglabas niya sa It’s Showtime na ang hashtag ay #ShowtimeCHINITAnghali.
Isang opening song and dance number ang inihanda ni Kim para sa madlang people at inilunsad din ang bagong segment na Name It To Win It kasama ang hosts na sina Vice Ganda, Vhong Navarro, Jhong Hilario, Karylle, Amy Perez, Ryan Bang, Jugs Jugueta, at Teddy Corpuz.
Napapanood ang It’s Showtime tuwing tanghali mula Lunes hanggang Sabado sa Jeepney TV at sa Kapamilya Channel (SKYcable channel 8 sa SD at channel 167 sa HD, Cablelink channel 8, G Sat channel 2, at karamihan ng cable operators na miyembro ng Philippine Cable and Telecommunications Association (PCTA) sa buong bansa).
SHOWBIZ KONEK
ni Maricris Valdez Nicasio
