Thursday , May 2 2024

Pambobomba itinanggi ‘NPA-front organization’ sasampahan ng asunto (Army bumuwelta)

HINAMON ng 7th Infantry Division (7ID) ng Philippine Army ang ‘CPP/NPA-front organization’ na patunayan nila ang ibinibintang na pambobombang naganap sa komunidad ng mga (IP) Indigenous People sa Sitio Lumibao, sa bayan ng San Marcelino, lalawigan ng Zambales, noong 21 Agosto.

 

Batay sa isinagawang imbestigasyon ni Major Amado Guttierez, commander ng 7th ID PA public affairs office, hinggil sa malisyosong akusasyon ng anila’y ‘CPP/NPA front organization’ na pag-atake sa komunidad ng mga Aeta, pambubugbog, ilegal na detensiyon, at pagpapakain ng ‘ebak’ ay pawang walang katotohanan sa pagkahuli ng limang Aeta kasama ang isang menor de edad na humalo sa mga taong nasagip nang mahuli ng tropa ng 703rd  Brigade.

 

Pahayag ni Guttierez, posisyon ng mga kalaban na nagtatago sa komunidad ng mga biktima na kanilang ginagamit at inuuto para sa sariling pakinabang at hindi ang mga tirahan ng mga pobreng Aeta ang pinuntirya ng kanilang pag-atake sa naganap na labanan.

 

Katunayan, agad na dinala ang limang Aeta na umano’y NPA sa tanggapan ni Dr. Nida Pabunan, municipal health officer ng San Marcelino, upang masuri ang kanilang kalusugan.

 

Bunsod nito, maghahain ng reklamo ang kinatawan ng Army 7th ID sa ilalalim ng Cybercrime Prevention Act ng kasong libel laban sa grupo ng Umahon Para sa Repormang Agraryo, College Editors Guild Of The Philippines, at League of Filipino Students sa kanilang mga malisyosong pagpapakalat sa social media sa naturang kaganapan na hindi man lang kinuha ang kanilang panig.

 

Samantala, pinasinungalingan ni Randy Bernales, National Commission on Indigenous Peoples – San Marcelino Service Chapter, na ayon sa kanilang pag-iimbestiga ay wala umanong binombang kabahayan at walang nasaktan sa panig ng mga katutubo maliban sa kuta ng mga NPA na napinsala sa pag-atake ng mga military na sinang-ayonan ni Marcelo Galado, Aeta Chieftain ng IP Community sa Lumibao.

 

Iniulat na nagkaroon ng enkuwentro sa pagitan ng CPP/NPA at tropa ng 703rd  Brigade Philippine Army sa Sitio Lumibao, Buhawen, sa naturang bayan, na nagresulta sa pagkakakompiska ng bultong mga bala at subersibong dokumento nang mabawi ang kampo sa mga bandidong rebelde nitong 21 Agosto. (RAUL SUSCANO)

 

About Raul Suscano

Check Also

Navotas

Navotas magpapatupad ng bagong oras sa trabaho

MAGPAPATUPAD ang pamahalaang lungsod ng Navotas ng bagong iskedyul ng oras sa trabaho simula 2 …

gun shot

Nurse, 1 pa todas
SENGLOT NA SEKYU SUMEMPLANG 2 TUMULONG PINAGBABARIL

ISANG nurse at isang pang lalaki ang namatay sa pamamaril ng lasing na rider, nang …

road accident

7-anyos, nanay, 1 pa patay, 17 sugatan sa bus na nawalan ng preno

PATAY ang tatlo katao kabilang ang isang 7-anyos na batang babae, ang kanyang nanay, at …

Las Piñas KALINISAN Bagong Pilipinas clean-up drive

Las Piñas nagsagawa ng KALINISAN sa Bagong Pilipinas clean-up drive

INILUNSAD ng Department of the Interior and Local Government (DILG) at pamahalaang lungsod ng Las …

050124 Hataw Frontpage

Naririnig ko lang na may perks… pero hindi itong MLM scheme – DOH chief
BELL KENZ TUMANGGING SANGKOT SA MULTI-LEVEL MARKETING

ni Niño Aclan ITINANGGI ng kompanyang Bell Kenz Pharmaceutical, Inc., ang akusasyon na sangkot sila …

Leave a Reply

Your email address will not be published. Required fields are marked *