Sunday , December 5 2021

Maynila may COVID-19 drive-thru testing na (Inilunsad ni Mayor Isko)

INILUNSAD ni Manila Mayor Francisco “Isko Moreno” Domagoso ang kauna-unahang libreng drive-thru testing sa mga motorista upang magbigay kapanatagan at mawala ang pagkabahala at agam-agam ng mga residente patungkol sa COVID-19.

 

Nabatid kay Mayor Isko, aabot sa 16,000 motorista ang kayang silbihan ng makina sa loob ng isang linggo at ang resulta ay mas konklusibo at sigurado kompara sa ordinaryong rapid testing.

 

Ayon sa ulat, ang proseso sa drive-thru testing  ay mabilis at kinakailangang pumirma ng form at magpresenta ng ID ang mga intresadong motorista na aasistehan ng medical personnel na kukuha ng kanilang blood sample at iaanalisa ng bagong biling Architect Pplus i1000 SR machines na ginawa ng Abbott Laboratories.

 

Sa COVID-19 drive thru testing ay may mangangasiwa ng apat na medical technologist para sa operasyon mula 7:00 am hanggang 5:00 pm.

 

Makaraaang sumalang sa drive-thru COVID-19 testing ay tatawagan ang mga motoristang sumailalim sa test upang malaman ang resultan sa loob ng 24 oras.

 

Pagtitiyak ng alkalde, ang resulta ay mananatiling confidential gayondin ang mga impormasyon upang mapangalagaan ang kapakanan ng motorista na sumailalim sa drive-thru testing.

 

“If the result is positive, the person concerned will be given instructions on what to do. Depending on his condition and the symptoms he manifests, he may be taken by the city government to the nearest quarantine facility for the purpose of isolating him so as not to infect his family and community members and then treated accordingly,” ayon kay Mayor Isko.

 

“Marami ngayon sa ating mga kababayan ang napapraning, naii-stress kaiisip. So, para mabigyan natin sila ng kapanatagan, iniaalay namin  itong bagong sistema ng testing. Libre ito para sa ating mga taga-lungsod,” paliwanag ni Isko.

Nabatid, ang dalawang nasabing makina na binili ng lokal na pamahalaan na may 99.6 specific at 100 percent sensitivity ay gagamitin sa bagong COVID-19 drive thru testing. (BRIAN BILASANO)

About Brian Bilasano

Check Also

Beatrice Luigi Gomez Rabiya Mateo Catriona Gray Janine Tugonon Miriam Quiambao

MUP winners may sumpa nga ba sa lovelife?

KITANG KITA KOni Danny Vibas HINDI naniniwala si Rabiya Mateo, 25, na may “sumpa” ang …

3 rapists, 18 pasaway nasakote sa Bulacan

NASUKOL ang kabuuang 21 katao kabilang ang tatlong hinihinalang rapist sa iba’t ibang operasyong ikinasa …

Huli sa aktong nagka-Cuajo
4 SUGAROL TIMBOG SA TARLAC

ARESTADO ang apat katao nang mahuli sa akto ng mga awtoridad habang nasa kainitan ng …

2 babaeng miyembro ng kulto minolestiya
‘FAKE HEALER’ KALABOSO SA ABUSO

ARESTADO ang lider ng isang pinaniniwalaang kulto sa bayan ng Asturias, lalawigan ng Cebu dahil …

Manny Asuncion

Sa pagpatay sa labor leader
MURDER VS 17 PARAK SA BLOODY SUNDAY

NAHAHARAP sa kasong murder ang 17 pulis na sangkot sa pagpatay kay labor leader Manny …

Leave a Reply