Friday , July 18 2025

Misteryo sa army intel agents rubout, hahalukayin ni Año

HAHALUKAYIN ni Department of the Interior and Local Government (DILG) Secretary Eduardo Año ang ‘misteryo’ sa pagpaslang ng mga pulis sa apat na intelligence officers ng Philippine Army (PA) sa Jolo, Sulu upang mabigyan ng hustisya ang kalunos-lunos na sinapit ng mga biktima.

 

Ayon kay Presidential Spokesman Harry Roque, may personal interest si Pangulong Rodrigo Duterte na malaman ang tunay na nangyari kaya’t siya mismo ang kakausap sa siyam na pulis na sangkot sa “rubout.”

 

“Ang Presidente po mismo nagsabi na may personal na interest siya para malaman kung ano ang talagang nangyari riyan dahil talagang ayaw niyang nangyayari ito sa mga magkakakampi; at pangatlo, siya mismo po ay makikipag-usap doon sa mga pulis na na-involved dito sa patayan na ito,” wika ni Roque sa virtual press briefing ng Palasyo.

 

Paliwanag ni Año, ipinakulong na niya ang mga pulis na sangkot sa insidente at sinibak na rin niya ang chief of police ng Jolo.

 

“Unang-una, inilagay na natin sa — dinetain na natin itong mga suspect(s) na policemen at (i)ni-relieve na rin natin iyong chief ng Jolo station doon at sisiguraduhin natin na ang justice ay talagang igagawad natin but of course, we will observe the due process,” pagtitiyak ni Año.

 

Ayon kay Año, dating Armed Forces of the Philippines (AFP) chief of staff, nagdurugo ang kanyang puso sa pagpaslang ng mga pulis sa mga sundalo dahil personal niyang kilala ang mga biktima at mga professional silang intelligence officers.

 

“You know, my heart bleeds for our soldiers who were slain because I know this people personally. I’ve been a commander of that unit even when I was still in the military service and they’re really professional intelligence officers,” ani Año sa virtual press briefing sa Palasyo kahapon.

 

Isiniwalat ng Kalihim, batay sa mga video, larawan at pahayag ng mga saksi sa insidente, walang naganap na enkuwentro taliwas sa naunang sinabi ng Philippine National Police (PNP) na may naganap na ‘misencounter.’

 

“Mayroon na tayong nakitang mga video, pictures, even iyong statements ng mga eye witnesses at nakikita naman talaga doon na wala naman talagang shootout na naganap. Ito talaga ay isang shooting incident, but of course, I don’t want to preclude the investigation, kailangan i-observe natin iyong due process. Makaaasa iyong ating mga kababayan na justice ang ang masusunod dito at we will update the… resulta ng mga ongoing investigations natin,” dagdag ng Kalihim.

 

Bukod sa National Bureau of Investigation (NBI), nagsasagawa na rin ng parallel investigation ang Criminal Investigation and Detection Group (CIDG).

 

Batay sa inisyal na resulta ng awtopsiya sa mga labi ng mga biktimang sina Maj. Arvin Indamog, Capt. Irwin Managuelod, at Sgt. Eric Velasco, tatlo hanggang walong bala ang tumama sa kanilang mga katawan.

 

Ang isa pang biktima na si Cpl. Abdal Asula ay hindi sumailalim sa awtopsiya at agad na inilibing alinsunod sa tradisyon ng mga Muslim.

 

Batay sa mga larawan na kuha sa CCTV footages,  na inilathala sa Inside Military Forum Facebook page, walang naganap na shotout o misencounter bagkus ay pinagbabaril ng mga pulis na lulan ng patrol vehicle na bumuntot sa sasakyan ng mga biktima.

 

Matapos tadtarin ng bala ang mga biktima ay tumakas ang mga pulis at iniwanan ang mga nakahandusay na bangkay ng apat na sundalo. (ROSE NOVENARIO)

Krystall Herbal Products and FGO Branches

About Rose Novenario

Check Also

071825 Hataw Frontpage

Legal adoption at anti-human trafficking nais palakasin
‘BABIES FOR SALE’ ONLINE ISASALANG SA SENADO

ni Niño Aclan “BABIES are not commodities.” Binigyang-diin ito ni Senadora Pia  Cayetano kasabay ng …

Antonio Carpio SC Supreme Court

Dahil sa pagiging co-equal branch of government
SC PINAALALAHANAN NI CARPIO SA PAG-USIG vs MAMBABATAS

PINAGHIHINAY-HINAY ni dating Supreme Court Associate Justice Antonio Carpio ang Korte Suprema kaugnay sa pagkuwestiyon …

Huli sa aktong pagkatay sa sinikwat na motorsiklo lalaki sa Bulacan tiklo

Huli sa aktong pagkatay sa sinikwat na motorsiklo, lalaki sa Bulacan tiklo

DINAKIP ng mga awtoridad ang isang lalaking pinaniniwalaang kabilang sa grupo ng agaw-motorsiklo sa lungsod …

Batangas Money

Batangas SP nananawagan ng pagkakaisa para sa sesyon

NANANAWAGAN ng pagkakaisa ang mga board members at lupon ng Sangguniang Panlalawigan (SP) ng Batangas …

BBM Bongbong Marcos BFP

Para sa State of the Nation Address
MGA BOMBERO KATUWANG SA SEGURIDAD NI PBBM

MAGIGING bahagi ang Bureau of Fire Protection (BFP) para magbigay seguridad  sa ika-4 na State …

Leave a Reply

Your email address will not be published. Required fields are marked *