HATAW! D'yaryo ng Bayan hatawtabloid.com
ISINAMA na ang pinsala sa ilang internal organ sa mga potensiyal na masamang epekto ng COVID-19, ayon sa nga Chinese health expert.
Naging dahilan ito para palawigin ang insurance coverage para sa mga pasyente habang patuloy ang pagkalat ng sakit.
Sa mga guideline mula sa National Health Commission, kinakailangan ng ilang COVID-19 patients na naka-recover ang paglunas sa pinsala sa baga at puso, at sa problema sa pagkilos sanhi ng muscle loss, at gayondin sa mga psychological disorder.
Bukod sa pagbibigay-alam sa health workers ukol sa posibleng long-term treatment needs ng mga pasyente, iklinasapika ng mga awtoridad ang nasabing mga kondisyon bilang mga chronic disease, para payagan ang mga residente na humiling mula sa gobyerno para sa kanilang medical expenses sa ilalim ng mga government-run medical insurance scheme.
“As the number of COVID-19 patients discharged from hospital increases, the rehabilitation needs have become prominent,” punto ng komisyon sa nabanggit na mga guideline.
Inilista rin dito ang potensiyal na mental health problem bunsod ng COVID-19, kabilang ang depresyon, insomnia, eating disorders at iba’t ibang mga pagbabago sa cognitive function. Bukod dito, tinukoy din ang iba pang mga problema bilang muscle at limb-function loss.
Mayroon din mga ulat ukol sa pag-atake ng coronavirus sa balat, central nervous system at mga daluyan ng dugo o mga ugat na nagreresulta sa clogging at stroke.
Bukod pa rito, nabahala rin ang mga doktor sa pagdami ng mga kaso ng inflammatory condition na kung tawagin ay Kawasaki disease sa kabataan, na pinaghihinalaan ng mga siyentista na may posibleng kaugnayan sa COVID-19.
Kinalap ni Tracy Cabrera
