Friday , January 28 2022

Misis na lung cancer patient, mister patay (Ambulansiya sumalpok sa footbridge)

PATAY na ang mag-asawa sa limang sakay ng ambulansiya na bumangga sa foot bridge kamakalawa ng gabi sa Quezon City.

Kinilala ang mag-asawang biktima na sina Rida Balanay, 38 anyos, lung cancer patient; at mister nitong si Emmanuel Balanay.

Base sa ulat ng Quezon City Police District – Traffic Enforcement Unit (QCPD-TEU),  dakong  9:00 pm nang maganap ang insidente sa EDSA corner East Avenue ng lungsod.

Ayon sa nakaligtas na pasahero na si Nora Rubaya, pauwi sila sa Binangonan, Rizal matapos sunduin ang pamangking si Rida mula sa Lung Center of the Philippines nang sumalpok ang sinasakyan nila sa footbridge.

Sa lakas ng impact, nayupi ang hood at nawasak ang makina ng ambulansiya dahilan upang mapinsala ang mga sakay na kinabibilangan ng mag-asawa.

Nakaligtas ang driver at ang dalawa pang babaeng sakay ng ambulansya ngunit hindi agad nailabas ng rescue team ng MMDA ang mag-asawa matapos maipit sa loob ng sasakyan.

Nang mailabas ang mag-asawa, agad isinugod  sa East Avenue Medical Center pero binawian ng buhay ang dalawa dahil sa malubhang pinsala sa katawan.

Nabatid na sinundo ng mister ang kanyang misis matapos tapatin ng doktor na iuwi na sa bahay si misis dahil hindi na kayang isalba sa sakit na stage 4 lung cancer. (ALMAR DANGUILAN)

About Almar Danguilan

Check Also

Manny Villar ABS-CBN

Broadcast frequencies ng ABS-CBN, ‘nasulot’ ni Villar

MALABO nang mabawi ng ABS-CBN ang kanilang prankisa sa susunod na administrasyon dahil ibinigay na …

Duterte, ‘maritess’ na pangulo — netizens

BUKOD sa tawag na lameduck, tinaguriang ‘Marites’ o taong mahilig sa tsismis si outgoing President …

Defensor kinutya sa mga maling paratang sa QC

HATAW News Team KAMAKAILAN may mga ikinalat si Anak Kalusugan Party-list representative Mike Defensor na …

Sa ‘Landbank theft’
SANLINGGO ULTIMATUM NG TEACHERS SA DEPED

ni ROSE NOVENARIO             ISANG linggo ang ibinigay na ultimatum ng mga guro sa Department of …

Bongbong Marcos

Mariing itinanggi BBM: Walang ‘Tallano gold’

MARIING itinanggi ni presidential aspirant Ferdinand “Bongbong” Marcos, Jr., ang sinasabing Tallano gold sa gitna …

Leave a Reply