ISANG proud daughter ang Kapuso tween actress na si Jillian Ward sa ama na kanyang hinahangaan pagdating sa kusina!
Sa isang Instagram post, ibinida ng Prima Donnas star ang husay sa pagluluto ng daddy niyang si Elson Penzon na kamakailan ay nag-prepare ng mga pagkain na pang-fiesta sa bahay.
Aniya, “How will I lose weight if my dad cooks like this everyday.”
Talaga naman kasing nakatatakam ang mga inihaw na putahe na inihanda nito para sa kanilang pamilya. Boodle fight pa ang peg!
Samantala, pahinga muna si Jillian sa pinagbibidahang top-rating GMA Afternoon Prime series na Prima Donnas dahil sa Covid-19. Hindi pa puwedeng mag-taping ang mga cast bilang pagsunod sa social distancing at stay-at-home guidelines ng DOH.
RATED R
ni Rommel Gonzales
