Saturday , May 25 2024

VFA tinapos ni Duterte (PH susuyuin ng Kano — Palasyo)

TINULDUKAN na ng administrasyong Duterte ang Visiting Forces Agree­ment (VFA) nang ipadala sa US government ang notice of termination kahapon.

Inianunsiyo ito ni Presidential Spokesman Salvador Panelo sa press briefing sa Palasyo kaha­pon.

Magiging epektibo aniya ang pagpapa­walang bisa sa VFA matapos ang 180 araw.

Matatandaan, iniutos ni Pangulong Rodrigo Duterte ang pagbasura sa VFA matapos kanselahin ng US ang visa ni Sen. Ronald dela Rosa.

Si Dela Rosa bilang hepe ng Philippine National Police (PNP) mula 2016-2018 ang nagpatupad ng madu­gong drug war ng adminis­trasyong Duterte at binatikos maging ng international community dahil sa extrajudicial killings (EJK).

Itinuturing ni Pangulong Duterte na paglabag sa soberanya ng bansa ang nasabing hakbang ng US laban kay Bato maging ang reso­lusyon na ipinasa ng ilang US senators na nagba­bawal makapasok sa Amerika ang mga opisyal ng Philippine government na nasa likod nang pagpapakulong kay Sen. Leila de Lima.

Dahil rito’y pinag­bawalan din ni Pangulong Duterte ang mga miyem­bro ng kanyang gabinete na magpunta sa Amerika.

 (ROSE NOVENARIO)

PH susuyuin ng Kano — Palasyo

NANINIWALA ang Palasyo na susuyuin ng Amerika ang Filipinas dahil sa ginawang pag­basura sa Visiting Forces Agreement ( VFA).

Ayon kay Presidential Spokesman Salvador Panelo, napuna niya kapag kritiko ng US, mas maayos ang trato ng Amerika habang ang mga deklaradong kakampi ay inaapi.

“Why? Because I’ve been noticing that who have been critical of the US government policies have been given the preferential attention of the US government. ‘Pag nababanatan sila, sinu­suyo nila, iyong mga kakampi nila e, inaapi. Parang ganoon ang dating e,” ani Panelo.

Ito aniya ang dahilan kaya kompiyansa siyang magiging mas mainit ang relasyong PH-US sa pagbasura ng Filipinas sa VFA.

(ROSE NOVENARIO)

About Rose Novenario

Check Also

Alice Guo Chiz Escudero

Presumption nananatili – SP Chiz Escudero 
NAG-AKUSA vs MAYOR GUO DAPAT MAGLABAS NG PRUWEBANG HINDI SIYA PINOY

HINDI si Bamban, Tarlac Mayor Alice Guo kundi ang mga nag-aakusa sa kanya ang dapat …

Ops vs krimen umarangkada 24 suspek timbog sa Bulacan

Ops vs krimen umarangkada 24 suspek timbog sa Bulacan

NASAKOTE ang 24 inidbiduwal na sangkot sa iba’t ibang krimen at paglabag sa batas sa …

Sa Orion, Bataan BATAKAN BINAKLAS, 4 DURUGISTA TIKLO

Sa Orion, Bataan
BATAKAN BINAKLAS, 4 DURUGISTA TIKLO

WINASAK ng mga tauhan ng Philippine Drug Enforcement Agency (PDEA) Bataan Police Office (BPO) sa …

2 Most wanted persons ng CALABARZON arestado

2 Most wanted persons ng CALABARZON arestado

NASAKOTE ang dalawang lalaking nakatala bilang Regional Level Most Wanted Persons sa magkahiwalay na manhunt …

Jeannie Sandoval Malabon DBP

Para palakasin ang pabahay, kalusugan, infra projects at socio-economic dev’t
MAYOR JEANNIE SANDOVAL NAKIPAG-UGNAYAN SA DBP

UPANG mapabuti ang paghahatid ng mga serbisyo sa mga Malabueño, nakipagtulungan ang pamahalaang lungsod ng …

Leave a Reply

Your email address will not be published. Required fields are marked *