Friday , May 24 2024

Lockdown sa 2 bayan ng Batangas tinanggal 6 barangay off-limits pa

TINANGGAL ng mga awto­ridad ang lockdown order sa mga bayan ng Agoncillo at Laurel sa lalawigan ng Batangas kahapon, 27 Enero, maliban sa anim na barangay na nasa “seven kilometer-radius danger zone” na itinituring na nasa panganib kung sasabog muli ang bulkang Taal.

Pinakahuli ang dalawang munisipalidad sa 14 bayan at mga lungsod sa lalawigan na muling nagbukas mata­pos ang pagbuga ng abo sanhi ng pagsabog ng bulkang Taal matapos ibaba ng Philippine Institute of Volcanology and Seismology (Phivolcs) noong Linggo, 26 Enero, sa alert level 3 mula alert level 4 dahil sa paghina ng posibilidad ng mapanga­nib nitong pagsabog.

Ayon kay Agoncillo Mayor Daniel Reyes sa panayam, pinayagan nila ang mga residenteng pu­wer­sahang inilikas noong nakaraang dalawang linggo, na bumalik sa kanilang mga tahanan.

Dagdag ni Reyes, nauna niyang pinabalik ang mga puno ng pamilya upang makapaglinis bago pabalikin ang matatanda at bata dahil sa panganib ng sakit sa baga dala ng abo.

Ibinalik na rin ang kor­yente at tubig sa ilang bahagi ng bayan ng Agoncillo.

Gamit ng ibang residente sa paglilinis ng kanilang mga bakuran at bahay ang tubig mula sa kanilang balon.

Samantala, mananatiling naka-lockdown ang mga barangay ng Bilibinwang, Subic Ilaya, at Banyaga.

Dedesisyonan pa umano ng alkalde kung bibig­yan ng window hours ang mga nabanggit na barangay.

Sa bayan ng Laurel, pinayagan na rin ng lokal na pamahalaan na bumalik ang mga lumikas na residente sa kanilang mga tahanan mali­ban sa mga nakatira sa mga barangay ng Bugaan East, Buso-Buso, at Gulod, na nasa “seven kilometer-radius hazard zone” ng bulkang Taal.

Nananatiling off-limits ang buong volcano island o Pulo.

About hataw tabloid

Check Also

Jeannie Sandoval Malabon DBP

Para palakasin ang pabahay, kalusugan, infra projects at socio-economic dev’t
MAYOR JEANNIE SANDOVAL NAKIPAG-UGNAYAN SA DBP

UPANG mapabuti ang paghahatid ng mga serbisyo sa mga Malabueño, nakipagtulungan ang pamahalaang lungsod ng …

052324 Hataw Frontpage

14.97 % WACC nanatili mula 2010
MERALCO FRANCHISE RENEWAL IBASURAv — SOLON

INISA-ISA ni Sta. Rosa City Rep. Dan Fernandez ang mga dahilan para ibasura ang panukalang …

052324 Hataw Frontpage

Sa bantang pag-aresto ng China 
PH NAVY KASADO

NAKAHANDANG ipagtanggol ng Philippine Navy ang mga mangingisdang Pinoy kapag inaresto ng Chinese Navy sa …

shabu drug arrest

3 kelot arestado sa ilegal na droga

NAARESTO ang tatlong suspek sa isinagawang drug buybust operation ng Muntinlupa City Police Station Drug …

Ferry boat

Babala ng MMDA
ILOG-PASIG HINDI MADARAANAN NG FERRY BOATS

NAG-ABISO ang Metropolitan Manila Development Authority (MMDA) sa mga pasahero ng Pasig River Ferry Service …

Leave a Reply

Your email address will not be published. Required fields are marked *