Monday , December 6 2021

Sa Tiaong, Quezon… Ex-solon, 2 pa naabo sa sinunog na kotse

HINIHINALANG pinatay muna saka isinakay sa kotse at sinilaban sa ibabaw ng isang tulay sa Tiaong, Quezon ang natagpuang tatlong bangkay, na ang isa ay pinani­niwalaang si dating congressman at naging Immigration commissioner Edgardo Mendoza.

Natagpuan ang sunog na kotse kahapon ng madaling araw, Huwe­bes, 9 Enero sa tulay ng San Francisco, sa Bara­ngay San Francisco, Tiaong.

Ayon kay P/Maj. Lawrence Panganiban, hepe ng pulisya ng Tiaong, nakatanggap ang kanilang himpilan ng tawag dakong 1:45 am na mayroong nasusunog na kotseng Honda Civic, may plakang DND 6374 sa isang tulay sa Barangay San Francisco simula pa 12:20 am.

Nagawang mailabas ng mga bombero ang tatlong bangkay matapos nilang maapula ang apoy sa nasusunog na sasak­yan dakong 2:28 am.

Ayon sa awtoridad, nakakuha ang anak ni Mendoza ng isang maleta na puno ng mga doku­mento at natagpuan din ang identification cards (ID) ng ama.

Agad silang nakipag-ugnayan sa mga kina­uukulan sa lalawigan ng Batangas gayondin sa mga kamag-anak ng mga biktima.

Kinompirma ng pamil­ya ni Mendoza na pag-aari nga ng dating kongresista ang kotse at kasama niya ang kani­yang driver at bodyguard na kinilalang sina Ruel Ruiz at Nicanor Mendoza.

Anila, huli nilang nakitang buhay ang ama nang dumaan sa bahay ng isang anak sa Lipa para roon mananghalian.

Sinabi umano nito na mayroon silang kikitain sa Calamba, Laguna.

Samantala, sinabi ng pulisya, dahil halos abo na ang mga bangkay at hindi makilala, hihintayin nila ang pinal na resulta ng imbestigasyon na inaasahang tiyak na tutukoy sa pagkaka­kilanlan ng dalawang sunog na bangkay.

Samantala, sasama ang National Bureau of Investigation (NBI) sa mga magsasagawa ng imbestigasyon sa kotseng pinaniwalaang sinunog na kinatagpuan ng tatlong bangkay.

Ayon kay Justice Secretary Menardo Guevarra, uutusan niya ang NBI na tumulong sa imbestigasyong gagawin ng PNP upang mabilis na matukoy kung sino ang may kagagawan ng karu­mal-dumal na krimen.

Ani Guevarra, “The NBI’s forensic experts will also be of great help in identifying the victims.”

ni Karla Orozco

HUSTISYA
KAY MENDOZA
et al TINIYAK
NG PALASYO

INIYAK ng Palasyo na mabibigyan ng hustisya ang pagpaslang kay dating Batangas Rep. Edgar Mendoza.

Batay sa ulat, natag­puan ang bangkay ni Mendoza at ng dalawang hindi kilalang lalaki sa loob ng sinunog na sasakyan sa Tiaong, Quezon.

“The perpetrators of this heinous crime will be pursued till they are placed behind bars. We assure the bereaved family of the deceased that justice will be accorded by prosecuting the people behind this dastardly crime to the fullest extent of the law,” ani Presidential Spokes­man Salvador Panelo.

Nagpaabot ng pakikiramay si Panelo sa mga naiwang pamilya, kaibigan at mahal sa buhay ng dating mam­babatas.

(ROSE NOVENARIO)

About Karla Lorena Orozco

Check Also

Sa Pasig
3 GINANG, 1 PA TIKLO SA DROGA

KALABOSO ang tatlong ginang at isang lalaki nang bentahan ng ilegal na droga ang tauhan …

Lolo, ginang, isa pa, nalambat sa buy bust

HULI ang tatlong tulak na hinihinalang drug personalities, kabilang ang isang lolo at ginang matapos …

PASKUHAN SA MAYNILA isko moreno

Hikayat ni Yorme
“PASKUHAN SA MAYNILA” BISITAHIN

INAANYAYAHAN ni Manila Mayor at presidential aspirant Francisco “Isko Moreno” Domagoso at ni Vice Mayor …

Cold Temperature

Pinakamalamig na temperatura naitala sa Baguio, NCR ngayong taon

INIHAYAG ng Philippine Atmospheric, Geophysical and Astronomical Services Administration (PAGASA) na naitala ang pinakamalamig na …

P500 500 Pesos

Suspek na 2 Chinese, Pinoy natakasan
MALAYSIAN KINIDNAP SA P500 RANSOM

SA KABILA ng limang daang pisong ransom money, natakasan pa rin ng Malaysian national ang …

Leave a Reply