Friday , March 29 2024
gun QC

1 suspek nadakip, 1 nakatakas… PDEA Intel patay sa kabaro, 2 sugatan

BINARIL at napatay ang isang intelligence officer ng Philippine Drug Enforce­ment Agency (PDEA) ng kanyang kabaro, habang dalawa ang nasugatan nang pumagitna at awatin ang kasama na nakitang nakikipagtalo sa isa sa kostumer sa comfort room ng  isang kainan sa Quezon City, nitong Martes ng madaling araw.

Sa ulat kay Quezon City Police District (QCPD) Director, P/BGen. Ronnie Montejo, kinilala ang napatay na si Mark Jerome Rivera Almeyda, 30, PDEA Intel officer-1, at residente sa Marville Subd., Maayao Kaunlaran, Lucena City.

Sugatan sina Joshua Gonzalo Marfil, 21, estu­dyante ng Maligaya Subd., QC, at Jhay-Ar  Dalijan Ramos Jr., 23, binata, waiter at nanini­rahan sa Brgy. San Agustin, QC.

Ang mga sugatan ay kasakuyang inoobser­bahan sa Commonwealth Hospital & Medical Center dahil sa  tama ng bala ng hindi pa batid na kalibre ng baril sa katawan.

Agad naaresto ang suspek na si Jonathan Sagun Chua, 35, binata, PDEA Intel Officer ng ICF San Fabian St., Brgy. 20, Tondo, Maynila, habang nakatakas ang kasamang si Rodolfo Lavarias Espeleta, 25, binata, PDEA Intel Officer at residente sa Blk 59, Lot 33 Sto. Niño 1, CSJDM Bulacan.

Batay sa inisyal na report ni P/SSgt. Agrabiador Bartolome ng QCPD Fairview Police Station 5, dakong 1:00 am kamakalawa, 7 Enero, nang maganap ang barilan sa loob ng Bodega Food Hub na matatag­puan sa Mindanao Ave., Brgy. Greater Lagro sa nasabing lungsod.

Una rito ay nama­taang nagtatalo ang biktimang si Marfil at ang suspek na si Espeleta kasama si Chua sa labas ng male comfort room ng nasabing establi­simiyen­to.

Nagtangkang awatin ng mga biktimang sina Almeyda at Ramos ang pagtatalo ng dalawa ngunit imbes huminahon ay agad bumunot ng baril si Espeleta at pinapu­tukan si Marfil.

Pagkatapos barilin si Marfil, galit na pinagtu­unan ang mga umawat na sina Almeyda at Ramos na sunod pinaputukan.

Nang duguang bumagsak ang tatlong biktima, mabilis na tumakas si Espeleta dala ang baril na ginamit sa pamamaril habang isinu­god ni Chua si Almeyda sa Fairview General Hospital ngunit binawian ng buhay dakong 2:17 am nitong 7 Enero, batay sa deklarasyon ni Dra. Charrel Marasigan.

Nasamsam ng SOCO team sa pamumuno ni P/Lt. Michael Jabel sa crime scene ang tatlong basyo ng bala at dalawang metallic jacket fragment.

Patuloy na tinutugis ng mga awtoridad ang nakatakas na PDEA officer  habang inaalam ang motibo sa naganap na barilan. (ALMAR DANGUILAN)

 

About Almar Danguilan

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *