P4.1-T 2020 nat’l budget maingat na binubusisi ni Duterte
TODO ang pagbusisi ni Pangulong Rodrigo Duterte sa P4.1 trilyon 2020 national budget.
Pahayag ito ng Palasyo matapos ratipikahan ng dalawang kapulungan ng kongreso ang pambansang pondo.
Sinabi ni Presidential Spokesman Salvador Panelo, hindi nababago ang paninindigan ni Pangulong Duterte na i-veto ang mga probisyon na taliwas sa Saligang Batas.
Una rito, sinabi ni Senador Panfilo Lacson na mayroong P83 bilyong pondo ang inilaan sa mga kuwestiyonableng proyekto.
Ayon kay Panelo, aaprobahan ng pangulo ang mga naaayon sa batas at tatanggalin ang labag sa batas.
Matatandaang ini-veto ni Pangulong Duterte ang P95 bilyong pondo dahil sa kuwestiyonableng proyekto na nakapaloob sa 2019 national budget.
Hindi matukoy ni Panelo kung kailan lalagdaan ni pangulong Duterte ang 2020 national budget.
(ROSE NOVENARIO)
