Sunday , December 5 2021

Bela, basag na basag sa Miracle in Cell No. 7

MAIKLI man at nasa huli, napakahalaga ng naging papel ni Bela Padilla sa Miracle in Cell No. 7 na pinagbibidahan ni Aga Muhlach at isa sa walong entries sa Metro Manila Film Festival.

May dahilan kung bakit Graded A ng Cinema Evaluation Board ang Miracle in Cell No. 7 dahil maganda at talaga namang nakaaantig ng damdamin. Bukod sa nagpapakita ng pagmamahalan ng mag-ama, kahanga-hanga ang ganitong klase ng istorya.

Si Bela ang lumaking anak na ni Aga na noong bata ay ginampanan ni Xia Vigor.

Aminado si Bela na basag na basag siya sa kanyang eksena habang ipinagtatanggol si Aga. ”Actually, iyak ako ng iyak kahit wala pa ‘yung camera dahil din sa nakita ko ‘yung mga kaeksena ko. ‘Yung buong movie, marami akong eksena na mag-a-action pa lang naiiyak na ako.

“Sinasabihan ako ni Direk Nuel (Naval) na ‘wag muna kasi napanood ko ‘yung Korean version, since mahilig ako sa Korean drama, noong nalaman ko nga na magkakaroon ng Filipino version, natuwa ako, tapos much more pa noong mapunta ako sa set.

“Kaya ako iyak nang iyak, naalala ko ‘yung Korean version. Alam ko kung paano mag-e-end ‘yung story. Tapos bitbit ko ang lahat ng eksena ni Xia. Alam ko ang lahat ng pinagdaanan niya, kasi nabasa ko naman ang buong script. Kaya bago mag-take naiiyak na ako, sinasabihan ako ni Direk na ‘wag muna, may moment tayo. Ang hirap talaga,” mahabang kuwento ni Bela.

Sinabi pa ni Bela na dahil buo na ang script ng Miracle in Cell No. 7 at napanood niya ito, mas nadalian na siyang gampanan ang role niya.

“Alam mo na kasi ang ending, alam mo na ‘yung mangyayari kaya ganoon. Hindi katulad ng sa soap, per week ‘yung bigay ng script. Pwedeng this week, sobrang bait mo, next week ikaw na ‘yung killer, medyo hindi mo alam ang flow. ‘Pag alam mo na ‘yung script kayang-kaya mo nang buuin ang character mo,” sambit pa niya.

Nang tanungin kung anong special sa Miracle…sinabi ng aktres na, ”We missed movies like this. Kasi ang laging napapanood natin every year, kundi fantasy, action or horror. Nawala ‘yung Filipino flavored films. ‘Yung pamilya, ‘yung paglabas mo ng sinehan, may hope ka. May na-feel kang light in your heart. I feel like we need to do movies like this.”

Mapapanood ang Miracle in Cell No. 7 sa December 25 handog ng Viva Films.

SHOWBIZ KONEK
ni Maricris Valdez Nicasio

About Maricris Valdez Nicasio

Check Also

Blind Item, Man Woman Fighting

Aktor at aktres panay ang dyombagan

FACT SHEETni Reggee Bonoan AWAY-BATI ang drama ng magkarelasyon na ito at matindi silang mag-away dahil …

Eric Santos Angeline Quinto

Angeline Quinto buntis nga ba?

FACT SHEETni Reggee Bonoan HINDI kaagad nakasagot si Eric Santos nang tanungin siya ni Nay Cristy Fermin kung buntis …

Beatrice Luigi Gomez Rabiya Mateo Catriona Gray Janine Tugonon Miriam Quiambao

MUP winners may sumpa nga ba sa lovelife?

KITANG KITA KOni Danny Vibas HINDI naniniwala si Rabiya Mateo, 25, na may “sumpa” ang …

Dennis Trillo Jennylyn Mercado

Dennis at Jen babae ang magiging anak

RATED Rni Rommel Gonzales IBINAHAGI ng mag-asawang Jennylyn Mercado at Dennis Trillo ang kasarian ng paparating nilang baby. …

Herbert Batista Rene Boy

HB iniyakan ng matatanda at tinawag na Rene Boy

I-FLEXni Jun Nardo NAG-IIYAKAN ang matatandang babae kay senatoriable Herbert Batista nang umikot siya sa Cebu City …

Leave a Reply