Saturday , May 18 2024
Bulabugin ni Jerry Yap
Bulabugin ni Jerry Yap

Sa kritiko ng SEAG: Stop the bitterness

KABAYAN tapos na po ang matagumpay na hosting ng ating bansa sa pinakamalaking Southeast Asian Games (SEAG) sa kasaysayan ng naturang palaro. Ngunit tila hindi pa rin tumitigil ang detractors sa pamumuna lalo sa organizers.

Ano ba namang klaseng pag-iisip mayroon ang iba nating kababayan na gusto pa nilang babuyin ang napakagandang ipinakita ng Filipinas na itinanghal na overall champion dahil sa 149 gintong medalya na sinungkit ng ating mga manlalaro. Maski nga ang Malacañang ay puring-puri ang naganap sa SEA Games.

Kaya naman hindi na nakatiis si Cynthia Carreon Norton, ang pangulo ng Gymnastics Association of the Philippines at nanawagan sa lahat ng ating mga kababayan na maging masaya sa resulta ng SEA Games.

Ang sabi niya, ibaon na lang sa limot ang mga puna ng detractors at sa halip ay ipagdiwang ang tagumpay ng ating mga atletang Filipino at coaches.

Ikinuwento rin ni Cynthia na normal lang na nangyayari ang ‘glitches’ sa kahit na anong international event at hindi ito dapat palakihin at pasabugin gaya ng ginawa at patuloy na ginagawa ng ilan sa ating mga kababayan. Ang sabi nga niya, minsan ay naghintay sila nang tatlong oras sa airport sa ibang bansa para sumabak sa isang sports events ngunit hindi sila nagreklamo at nagsalita ng masama laban sa host country.

Si Cynthia ay kasapi rin ng SPIA na nagparangal ng Special Excellence Award sa PHISGOC at sa pinuno nitong si Speaker Alan Cayetano sa maayos na pagho-host ng SEA Games. Ayon kay Norton, very credible ang SPIA at naging isa siya sa judges nito sa magkakasunod na apat na taon maliban ngayong taon dahil naging abala siya sa pagsasanay sa gold medalist at gymnast na si Carlos Yulo.

Aniya mahirap ang proseso ng judging sa SPIA dahil napaka-estrikto nito at hindi nila kailanman ibinigay sa kanya ang nomination ng Filipinas dahil siya ay isang Pinay. 

Binigyang diin ni Norton na sobrang ginanahan na magpakitang gilas ang mga atletang Pinoy dahil sa sobra-sobrang suportang ibinigay ng pamahalaang Duterte pati ni PHISGOC President Alan Cayetano, POC President Bambol Tolentino, PSC Chairman Butch Ramirez at iba pang sports officials ng bansa.

Kung tutuusin gaya ng sinabi ni Cynthia hindi madali ang paghahanda sa 30th SEAG dahil pabago-bago ang pinuno ng POC  at hindi naman talaga iho-host ito ng Filipinas kung hindi sa pakiusap ni Sen. Bong Go at Speaker Cayetano sa pangulong Digong.

Kaya please, tama na ang mga pagpuna. Hayaan nating umusad ang mga imbestigasyon para malaman ang katotohanan. As of now, tayo ay mag-concentrate sa ating pagbi-bid sa 2030 Asian Games.

Tuloy lang ang laban para sa Filipinas!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sipat Mat Vicencio

Tiyak na sibak si Sen. Bato sa eleksiyon

SIPATni Mat Vicencio NAGKAKAMALI si Sen. Ronald “Bato” dela Rosa kung inaakalang manananalo pa siya …

YANIG ni Bong Ramos

Total ban sa sigarilyo, vape atbp nakapipinsalang produkto iminungkahi

YANIGni Bong Ramos IMINUNGKAHI kamakailan ng magkapatid na Senador Pia Cayetano at Senador Alan Peter …

Dragon Lady Amor Virata

Korek na korek Senador Bong Go

Isumbong mokay DRAGON LADYni Amor Virata KAMAKAILAN sa Senado, tinalakay ni Senator Bong Go ang …

YANIG ni Bong Ramos

Umarangkada na
Mga kandidato para sa 2025 local & national elections maagang sinimulan pang-uuto sa publiko

YANIGni Bong Ramos BAGAMA’T isang taon pa ang nakatakdang local & national elections, maagang sinimulan …

FIRING LINE ni Robert B. Roque, Jr.

Ang paliit nang paliit na mundo ni Quiboloy

FIRING LINEni Robert B. Roque, Jr. HINDI ko alam kung alin-alin sa mga nagiging desisyon …

Leave a Reply

Your email address will not be published. Required fields are marked *