Sunday , May 19 2024

P75K nakana basag-kotse strikes again

MAHIGIT P75,000 halaga ng items ang natangay ng isang miyembro ng basag-kotse gang mula sa dala­wang technicians ng internet company sa Mala­bon City, kamakalawa ng gabi.

Ayon kay Malabon police chief P/Col. Jessie Tamayao, dakong 7:15 pm, ipinarada ng mga biktima na sina Walter George Medina, 40 anyos, residente sa Centraza Drive, Centraza Village Pamplona 1, Las Piñas City , at Nathaniel Gumtang, 38 anyos, taga-Sauyo Road, Brgy. Sauyo, Novaliches, Quezon City, kapwa technicians ng Miescor Logistics Company, ang kanilang service Mahindra, may conduction sticker EH-1363 sa kanto ng F. Santos at M.H. Del Pilar streets., Brgy. Santolan para magkabit ng internet connection sa Tatawid Market.

Matapos mag-inspek­siyon ang dalawa sa loob ng palengke, bumalik sila sa kanilang sasakyan para kumuha ng mga gamit ngunit nagulat nang makita na bukas na ang pinto sa likod at basag ang sliding door ng kanilang sasakyan.

Nang tingnan ang kanilang mga gamit at iba pang personal na gamit kabilang ang laptop na P35,000, ang halaga, volt ohms meter na halagang P30,000, company tools, dalawang ATM (automated teller machine) na umaabot lahat sa P75,500 ay nawawala na dahilan upang humingi sila ng tulong sa pulisya.

Ayon kina police inves­tigators P/SSgt. Ernie Baroy at P/SSgt. Philip Cesar Apostol, pinaghahanap ang nag-iisang suspek na nakasuot ng puting t-shirt at maong pants na nakunan sa CCTV camera na nakatam­bay sa naturang lugar at sumakay sa isang Japanese bike nang tumakas na.

(ROMMEL SALES)

About Rommel Sales

Check Also

DANIEL FERNANDO Bulacan

 Fernando determinadong tuparin ang pangako sa bawas trapiko at ligtas na komunidad

Determinado si Gobernador Daniel R. Fernando na tuparin ang kanyang pangako na bawasan ang trapiko …

4 drug trader tiklo sa Bataan buybust

4 drug trader tiklo sa Bataan buybust

NASAKOTE ng mga ahente ng Philippine Drug Enforcement Agency (PDEA) Bataan Provincial Office ang isang …

Kolektor ng pautang hinoldap sa palengke, binoga ng riding-in-tandem

Kolektor ng pautang hinoldap sa palengke, binoga ng riding-in-tandem

DEAD-ON-THE-SPOT ang isang ginang na sakay ng tricycle matapos holdapin at barilin ng mga lalaking …

dead gun police

Ikinumpisal bago nalagutan ng hininga
MAGKAIBIGAN ITINUMBA NG 4 KAALITAN

BINAWIAN ng buhay ang dalawang lalaki matapos pagbabarilin ng apat na pinaniniwalaang kanilang mga kaalitan …

051724 Hataw Frontpage

Tutol sa adelantadong renewal ng prangkisa
SOLON NAGBABALA MERALCO MATUTULAD SA SMNI NI QUIBOLOY

MULING nadagdagan ang tumututol sa ‘adelantadong’ renewal ng prangkisa ng distribution utility na Manila Electric …

Leave a Reply

Your email address will not be published. Required fields are marked *